មេប៉ូលិសក្នុងទីក្រុង San Bernardino លោក Jarrod Burguan បានប្រាប់ឲ្យដឹងថា មានការបាញ់ប្រហារនៅក្នុងសាលាបឋមសិក្សាឈ្មោះ California's North Park ដែលបណ្ដាឲ្យអ្នកគ្រូ និងកូនសិស្សស្លាប់ នាព្រឹកថ្ងៃច័ន្ទសប្ដាហ៍នេះ។ បើយោងតាមការចុះផ្សាយរបស់ edition.cnn។
លោក Jarrod Burguan បានប្រាប់អ្នកសារព័ត៌មានបានឲ្យដឹងថា ក្នុងព្រឹត្តិការណ៍មួយដ៏គួរឲ្យតក់ស្លុត មានជនល្មើសឈ្មោះ Cedric Anderson ត្រូវជាប្ដីរបស់អ្នកគ្រូ Karen Elaine Smith បានដើរចូលទៅក្នុងថ្នាក់រៀនរបស់នាង ពេលនោះបើកការបាញ់ប្រហារទៅលើរូបនាងដោយមិនបានសួរនាំអ្វីឡើយ តែអកុសលបានត្រូវកូនសិស្សចំនួន ២នាក់ដែលឈរពីក្រោយរូបនាងផងដែរ និងបានបាញ់សម្លាប់ខ្លួនតាមក្រោយ ។
គួរបញ្ជាក់ផងដែរថា ក្រោយមានហេតុការណ៍នេះកើតឡើងលោក Jarrod Burguan បានប្រាប់អ្នកសារព័ត៌មានបានឲ្យដឹងថា "ការបាញ់ប្រហារនៅក្នុងសាលាបឋមសិក្សានេះគឺជាសោកនាដកម្មមួយដែលបានកើតឡើងដល់ទីក្រុងរបស់យើង"៕
