កាលពីយប់ថ្ងៃទី ១៤ ខែមេសា ឆ្នាំ ២០១៧ អាមេរិកបានប្រើប្រាស់កំពូលគ្រាប់បែកគ្មានពី ហៅថា "មាតានៃគ្រាប់បែក" "Mother of All Booms" ឬ "MOAB"ដែលមានកម្លាំងមហិមាទម្លាក់ទៅលើបន្ទាយ ISIS ដ៏រឹកមាំមួយកន្លែងក្នុងប្រទេសអាហ្គានីស្ថាន។
គួរបញ្ជាក់ផងដែរថានេះគឺជាលើកទីមួយហើយ ដែលសហរដ្ឋអាមេរិកបានប្រើប្រាស់កំពូលគ្រាប់បែកប្រភេទនេះក្នុងសមរភូមិប្រយុទ្ធ។
គ្រាប់បែក MOAB មានរូបរាង និងលក្ខណះពិសេសដូចជា:
- បង្កើតឡើងក្នុងឆ្នាំ ២០០៣
- ប្រវែង ៩ ម៉ែត្រ
- ទម្ងន់ ១ ម៉ឺន គីឡូ
- ប្រើប្រាស់ប្រព័ន្ធ GPS (កំនត់ទីតាំង)
- ផ្ទុះ២ម៉ែត្រមុនដល់ដី កម្លាំងផ្ទុះសាយភាយដល់ទៅ ៣០០ ម៉ែត្រ
យោងតាមសេចក្តីរាយការណ៍របស់ប្រធានកងកម្លាំងអន្តរជាតិនៃសហរដ្ឋអាមេរិកឈរជើងនៅអាហ្គានីស្ថាន លោក John Nicholson បានបញ្ជាក់ថា:
គ្រាប់បែកនេះត្រូវបានទម្លាក់ប្រឆាំង និងកម្ទេច លេនដ្ឋានក្រោមដីដ៏រឹងមាំ និងសំខាន់របស់ក្រុមរដ្ឋអ៊ីស្លាម ឬ ISIS។ ទីតាំងនេះគឺស្ថិតនៅតំបន់ដាច់ស្រយាលភាគខាងកើតនៃព្រំដែនប្រទេសអាហ្គានីស្ថាន។ វាគឺជាមធ្យោបាយដ៏ល្អមួយដើម្បីកាត់បន្ថយកម្លាំងក្នុង ISIS។
ពួកយើងបានប្រើប្រាស់កងទ័ពអាកាសពិសេស យន្តហោះ MC-103 ដើម្បីដឹក និងទម្លាក់គ្រាប់បែក MOAB ទៅលើទីតាំងរបស់ ISIS នេះ។
ចំណែកប្រធានាធិបតីសហរដ្ឋអាមេរិក លោក ដូណាល់ ត្រាំ បានហៅការវាយប្រហារនេះថា:
វាគឺរឿងដ៏ល្អមួយដែលយើងធ្វើបែបនេះទៅលើក្រុមភេរវកម្ម ខ្ញុំពិតជាមានមោទនភាពណាស់ នេះបង្ហាញឲ្យឃើញថាសហរដ្ឋអាមេរិកពិតជាយកចិត្តទុកដាក់ និងមានវិធានការចង់កំចាត់ក្រុមភេរវករមែន។
វីដេអូខាងក្រោមនេះគឺជាការសាកល្បងកម្លាំងគ្រាប់បែក MOAB:
ប្រភព: dailymail /metro /edition.cnn
