អតីតខ្សែការពារកណ្ដាលរបស់ Manchester United កីឡាករ Rio Ferdinand ត្រូវបានគេចាត់ទុក ជាកំពូលខ្សែការពារលំដាប់ពិភពលោកម្នាក់ ក្នុងជំនាន់គាត់កាលនៅលេងបាល់ ហើយកីឡាករជើងខ្លាំងលំដាប់ពិភពលោកជាច្រើននាក់ដូចជា Messi, Ronaldo, Aquero, Bale, Suarez....គាត់ធ្លាប់ជួបរួចអស់ទៅហើយ។
ខ្សែប្រយុទ្ធទាំងអស់នោះ មានលក្ខណៈពិសេសរៀងៗខ្លួនក្នុងការញាក់បាល់ បណ្ដើរបាល់ និងទាត់បញ្ចូលទី។ តែយ៉ាងណា អតីតប្រធានក្រុមជម្រើសជាតិអង់គ្លេស បាននិយាយពីវិធីបិទការសម្រុករបស់ Messi ។
លក្ខណៈពិសេសរបស់ Messi ៖
ក្នុងនោះ Ferdinand បាននិយាយពីលក្ខណៈពិសេសរបស់ Messi ថា៖ ស្ទើរតែគ្មាននរណាម្នាក់អាចបញ្ឈប់គាត់បានទេ ប្រសិនបើអ្នកចូលកៀក គាត់នឹងផ្ដាច់ចង្កេះ ហើយគាត់ងាយនឹងដួលអាចចំណេញបាល់ពិន័យ។ គាត់មានប្រតិកម្ម លឿនណាស់ ទៅនឹងគ្រប់ស្ថានភាព ហើយសម្រេចចិត្តលឿន។ ពិសេសណាស់ ដើម្បីស្វែងយល់ពីវិធីលេងរបស់គាត់ ប្រសិនបើអ្នកព្យាយាម ទៅប៉ះខ្លួន ឬទាត់គាត់ គាត់នឹងដឹងមុនហើយអូសបាល់ទៅឆ្ងាយពីអ្នក។ ពេលដែលអ្នកចាប់ផ្ដើមធ្វើរឿងនេះអ្នកត្រូវគិត( គ្មានចំណុចណាមួយ ដែលអាចទៅជិតគាត់បានទេ ព្រោះគាត់លេងបង្វិលខ្លួនជុំវិញខ្សែការពារ។ ពេលដែលអ្នកប្រុងបិទគាត់ ពេលបណ្ដើរបាល់មកជិត គាត់តែងតែស្វែងរកដំណោះស្រាយនៅឆ្ងាយពីយើង។"
តើអ្នកបញ្ឈប់គាត់ដោយរបៀបណា?
បើចង់បិទគាត់ត្រូវប្រឹងប្រែងសហការជាក្រុម។ គ្មានកីឡាករណាម្នាក់អាចបញ្ឈប់មនុស្សដូចជា Messi បានឡើយ។ សំខាន់បំផុតគឺត្រូវឲ្យកាក់យកបាល់ ដែលកីឡាករណាម្នាក់បោះឲ្យគាត់ឲ្យបានមុន ហើយព្យាយាមយ៉ាងណាកុំគាត់បានលេងបាល់ច្រើន។ ប្រសិនបើគាត់បានបាល់លេង គាត់នឹងអាចធ្វើឲ្យអ្នកឈឺចាប់ ហើយវិធីណា ក៏មិនអាចដែរលើកលែងតែអ្នកឈូសជើង គាត់ឲ្យដួល តែអ្នកនឹងមានកំហុស៕