រាជរដ្ឋាភិបាលនាវាថៃនិយាយថា ខ្លួននឹងទិញនាវាមុជទឹកចំនួន ៣បន្ថែមទៀតពីប្រទេសចិន ដែលមានតម្លៃជាង ៣៦ពាន់លានបាត ប្រសិនបើក្រុមហ៊ុនធ្វើការអភិវឌ្ឍន៍ទៅបច្ចេកវិទ្យាបន្ថែមទៀត។ នេះបើយោងតាមការចុះផ្សាយដោយព័ត៌មាន nationmultimedia នៅថ្ងៃទី០២ ខែឧសភា ឆ្នំា២០១៧៕
អនុប្រធាននាវាថៃលោកឧត្ដមនាវីទោ Patchara Pumpiched បានបញ្ជាក់ទៀតថា "វាអាចនឹងមានការចំណាយបន្ថែមទៀត ប្រសិនបើពួកគេបង្កើនសមត្ថភាពនាវាមុជទឹកប្រភេទ Yuan Class S26T ចំនួនបើគ្រឿងទៀតនៅក្នុងពេលអនាគត"។
ស្របគ្នានោះដែរ ឧត្ដមនាវីទោ Grisdaporn Bhundhoombhoad នាវាមុជទឹកទាំងបីនោះនឹងបញ្ចប់នៅក្នុងរយៈពេល ១១ឆ្នាំក្រោយ ចាប់ពីឆ្នាំ២០១៨ ទៅ២០២៣ ដោយក្នុងឆ្នាំនេះថៃចំណាយលុយ ៧រយលានបាត ក្រោមមកនឹងត្រូវប្រចាំឆ្នាំចំនួនទឹកប្រាក់ ២.១ពាន់លានបាត ទៅឲ្យក្រុមហ៊ុនចិន។
គួររម្លឹកផងដែរថា កាលពីថ្ងៃទី១៩ ខែមេសា កន្លងមកថៃបានទទួលទិញ នាវាមុជទឹកមួយគ្រឿងរួចហើយ ដែលមានតម្លៃ ១៣.៥ពាន់លានបាត និង៣គ្រឿងទៀតកំពុងចរចាតម្លៃគ្នា ដោយរដ្ឋាភិបាលថៃយល់ថា នាវាទាំងនោះគឺត្រូវបានចិនលក់ឲ្យក្នុងតម្លៃថោកបំផុត៕
