សិល្បៈមានច្រើនប្រភេទណាស់ ដូចជា សិល្បៈរបាំ ចម្រៀង ភ្លេង ល្ខោន គំនូរ សំណង់ សូនរូប។ ទាំងអស់នេះគឺជាអ្វីដែលមនុស្សមួយចំនួន បានមើល បានឃើញ រាល់ថ្ងៃ ប៉ុន្តែមានពេលខ្លះ យើងមើលរំលង មិនដឹងពីការលំបាក ឬស្រណុកសុខស្រូលនៃ សិល្បៈករនៅឡើយទេ។ ដោយឡែកថ្ងៃនេះ ខ្ញុំសូមលើកយក បទពិសោធនៃ អាជីពជាអ្នករបាំមកចែកជូនបងប្អូន ដើម្បីឲ្យបានដឹងទាំងអស់គ្នា តាមរយៈ បងស្រី ៖ Theara_Chenda ដែលគាត់បានធ្វើការបង្ហោះលើគណនីហ្វេសប៊ុករបស់គាត់ ដូចខាងក្រោមនេះ ៖
អាជីពជាអ្នករបាំ ឃើញតែសប្បាយ? មែន! ពួកយើងសប្បាយមាំណាស់ម្ចាស់ថ្លៃអើយ ហាហាហាហាហាហា.....
-គ្មានសៅរ៍ ឬអាទិត្យ គ្មានថ្ងៃបុណ្យទាន (ការងារមកដល់ត្រូវលះបង់) 😭
-ការងារដែលហូរញើស ប្រឹងអស់សរសៃសរសូង😞
-ត្រូវទៅកន្លែងសម្តែង២-៣ម៉ោងមុន(រាំតិចគ្នា) ត្រូវទៅ៤-៥ម៉ោងមុន(រាំច្រើនគ្នា) ត្រូវទៅ៦-៧ម៉ោងមុន(សម្រាប់ការសម្តែងជូនថ្នាក់ដឹកនាំ ឬគណៈប្រតិភូជាន់ខ្ពស់)។😏
-ខ្លួនទាំងមូលក្លាយជាអន្សម ដេរ ដេរ ដេរ គ្រប់កន្លែងលើកលែងតែក្បាល 😖
-ក្បាលត្រូវពាក់មកុដ (ដែកសុទ្ធ) បើសំណាងល្អត្រឹមទ្រុឌ បើសំណាងអាក្រក់ហើមពក 😨
-តួនាយរោង(តួប្រុស) តួយក្ខ និងស្វា ក្រោយតែងគ្រឿងហើយមិនអាចចូលបន្ទប់ទឹកបានទេ 😱
-ដោយសារខ្លួនទាំងមូលត្រូវរឹតរាប់ម៉ោង ក្រោយដោះគ្រឿងចេញឈឺដូចគេវ៉ៃដំច្រំធាក់។😪
👉ទោះបីជាយ៉ាងនេះក្តី ក៏ពួកយើងនៅតែស្រលាញ់អាជីពនេះ ព្រោះ៖
-ពួកយើងមានឱកាសបានជួបព្រះមហាក្សត្រ ប្រមុខរាជរដ្ឋាភិបាលជាន់ខ្ពស់ ថ្នាក់ដឹកនាំកំពូលៗជាច្រើនទាំងថ្នាក់ជាតិនិងអន្តរជាតិ ដោយផ្ទាល់ 👍
-ពួកយើងមានឱកាសបានទៅប្រទេសជឿនលឿនជាច្រើនតាមរយៈការងារនេះ👏👏👏
-ពួកយើងជាចំណែកផ្សព្វផ្សាយវប្បធម៌🇰🇭
-ពួកយើងជាចំណែកធ្វើឲ្យអាជីពនេះបន្តរស់រានមានជីវិត❤️️
-ពួកយើងបានតែងខ្លួនស្អាតៗ😊
