ខេត្តព្រះសីហនុ៖ នៅវេលាម៉ោងជិត៨យប់ ថ្ងៃទី ៣០ ខែឧសភា ម្សិលមិញ មានការផ្ទុះអាវុធចំនួន០៦គ្រាប់ ក្នុងការបង្ក្រាបជនជាតិចិនមួយក្រុមមានគ្នាជាង១០នាក់ ដែលបានប្រើហិង្សាចេតនាដាក់ស្ត្រីម៉ាស្សាពីរនាក់ នៅចំណុចភ្នំខៀវ ហាងម៉ាស្សា និងជប់ខ្យល់ ស្ថិតនៅក្រុមទី ០១ ភូមិ ០១ សង្កាត់លេខ ២ ក្រុង-ខេត្តព្រះសីហនុ។
បើតាមនាយឧត្តមសេនីយ៍ទោ ជួន ណារិន្ទ បានឲ្យដឹងថា បន្ទាប់ពីបានទទួលព័ត៌មានខាងលើនេះភ្លាម កម្លាំងផែនព្រហ្មទណ្ឌ សហការជាមួយកម្លាំងមូលដ្ឋាន និងកម្លាំងជំនាញពាក់ព័ន្ធ បានចុះទៅដល់កន្លែងកើតហេតុ និងធ្វើការឃាត់ខ្លួនបានជនសង្ស័យ ០១ក្រុម ជាជនជាតិចិន មានគ្នា១៣នាក់ដែលធ្វើការ និងស្នាក់នៅដៅតូលី។ ក្រុមជនជាតិចិននេះរួមមាន៖
១. ឈ្មោះ ហ្សី ប៉ីគួយ ភេទ ប្រុស អាយុ ៣៧ ឆ្នាំ
២. ឈ្មោះ ម៉ី ឈីងជីង ភេទ ប្រុស អាយុ ៣៨ ឆ្នាំ
៣. ឈ្មោះ លីវ ម៉ីងតុង ភេទប្រុស អាយុ ៣១ ឆ្នាំ
៤. ឈ្មោះ ហ្សី យានភីង ភេទប្រុស អាយុ ២៦ ឆ្នាំ
៥. ឈ្មោះ ហ្ស៊ូ ថា ភេទប្រុស អាយុ ៣១ ឆ្នាំ
៦. ឈ្មោះ ម៉ី ហ៊ូយហ្វី ភេទប្រុស អាយុ ៣២ ឆ្នាំ
៧. ឈ្មោះ ហ្ស៊ូ លីងជា ភេទប្រុស អាយុ ៣១ ឆ្នាំ
៨. ឈ្មោះ អ៊ូ ជីង ហ៊ង់ ភេទប្រុស អាយុ ៣៥ ឆ្នាំ
៩. ឈ្មោះ តាន់ ហ្ឆាយ ភេទប្រុស អាយុ ៣៥ ឆ្នាំ
១០. ឈ្មោះ ចាង ហ៊្សវហ័រ ភេទប្រុស អាយុ ៣៧ ឆ្នាំ
១១. ឈ្មោះ ហ្វៀន ហ្វៃ ភេទប្រុស អាយុ ២៣ ឆ្នាំ
១២. ឈ្មោះ ជ័រជា ភេទប្រុស អាយុ ៣០ ឆ្នាំ
១៣. ឈ្មោះ ហ្ស៊ី ឆាងជីង ភេទប្រុស អាយុ ៣៨ ឆ្នាំ
ជនសង្ស័យខាងលើនេះបានធ្វើសកម្មភាពវាយប្រតាយប្រតប់ ទៅលើជនរងគ្រោះចំនួន ០២នាក់ ដែលមាន ១-ឈ្មោះ លី សុខជា ភេទស្រី អាយុ ២៦ ឆ្នាំ និង២-ឈ្មោះ តាំង ធីង៉ុកយ៉ា ហៅ សុខា ភេទស្រី អាយុ ២៥ ឆ្នាំ ដែលទាំងពីរ មានមុខរបរ ម៉ាស្សាជប់ខ្យល់ ស្នាក់នៅក្រុមទី ០១ ភូមិ ០១ សង្កាត់លេខ ០២ ក្រុង-ខេត្តព្រះសីហនុ។
ស្នងការខេត្តរូបនេះបន្ថែមថា ក្នុងការបង្ក្រាបជនជាតិនេះ សមត្ថកិច្ចបានដកហូតវត្ថុតាងបានដំបងឈើចំនួន ០៦ដើម និងចំពោះលិខិតឆ្លងដែន របស់ជនជាតិចិនខាងលើ បានកំពុងរក្សាទុកនៅអ្នកគ្រប់គ្រង ហើយបច្ចុប្បន្នជនសង្ស័យ ត្រូវបានកម្លាំងការិយាល័យនគរបាលព្រហ្មទណ្ឌកម្រិតស្រាល កំពុងសាកសួរ និងកសាងសំណុំរឿងតាមនីតិវិធីផ្លូវច្បាប់។
