នៅក្នុងប្រទេស អាល្លឺម៉ង់ មានកម្មវិធីរត់ប្រណាំងកាត់វាលភក់ ដែលមានឈ្មោះថា ការប្រកួតប្រជែងក្នុងភក់ ចូលរួមដោយបុរស និងស្ត្រីប្រមាណ ១៧០០០ នាក់ ធ្វើឡើងក្នុងទីប្រជុំជន អានស្បឺក តំបន់ North Rhine-Westphalia ដោយពួកគេត្រូវរត់កាត់វាលភក់ចម្ងាយជាង ១៦ គីឡូម៉ែត្រ ។
អ្នកចូលរួមទាំងអស់ត្រូវឆ្លងកាត់ឧបសគ្គលំបាកៗចំនួន ២០ កន្លែង ដូចជាឡើងចំណោត ឆ្លងកាត់ជញ្ជាំង និងឆ្លងកាត់របាំងផ្សេងៗដែលបង្កើតឡើងនៅតាមផ្លូវដែលត្រូវរត់ ។ អ្នករៀបចំកម្មវិធីការប្រកួតប្រជែងក្នុងភក់និយាយថា ទោះជាការប្រកួតមានសភាពតឹងតែង ប៉ុន្តែត្រូវតែមានអ្នកឈ្នះ ហើយក្រុមនីមួយៗមានស្មារតីមោះមុតខ្លាំងណាស់ ។
ការរត់ប្រណាំងដែលមានឈ្មោះថា ការប្រកួតប្រជែងក្នុងភក់ មានប្រភពពីរដ្ឋ Pennsylvania សហរដ្ឋអាមេរិក ប៉ុន្តែបានរៀបចំធ្វើក្នុងប្រទេស អាល្លឺម៉ង់ ។ បច្ចុប្បន្ន កម្មវិធីរត់ប្រណាំងឆ្លងកាត់ភក់ ត្រូវបានគេរៀបចំធ្វើមានចំនួន ៣ លើកក្នុងមួយឆ្នាំ ក្នុងប្រទេស អាល្លឺម៉ង់ ។
