ក្លឹប Manchester United គឺជាក្រុមដែលមានការជាប់ទាក់ទងទៅនឹងនាំមកខ្សែបម្រើ Real Madrid កីឡាករJames Rodriguez មកលេងនៅទឹកដីខ្លួនកក្រើកជាងគេទាំងអស់ ប៉ុន្តែកីឡាករកូឡុំប៊ី សាកសមនឹងលេងក្នុងកីឡដ្ឋាន Old Trafford ដល់កម្រិតណា?ហើយ Man Utd ពិតជាត្រូវការគាត់ពិនមែនឬទេ?
របាយការណ៍ជាច្រើនសន្និដ្ឋានថា ប្រធានក្រុមជម្រើសជាតិកូឡុំប៊ី ខកចិត្តខ្លាំងដោយសារមិនមានពេលច្រើនបង្ហាញសមត្ថភាពពេញលេញនៅ Real Madrid រដូវកាលនេះ ខណៈកីឡាករវ័យ២៥ឆ្នាំ ទើបតែចូលលេងជម្រើសដំបូងបាន១៣ប្រកួត។ បែបណាក្ដី! បូកបញ្ចូលទាំងការប្រកួតដែលគាត់ចូលលេងជាកីឡាករបម្រុង៨ដង រូបគេនៅតែល្អគឺរកគ្រាប់បាល់បាន៨គ្រាប់ និងប្រមូលបានការបញ្ចូលបាល់ឲ្យមិត្តរួមក្រុម៦ដង ក្នុងឆ្នាំនេះផងដែរ។
នេះគឺជាហេតុផលមួយដែលថា គាត់នៅតែមានតម្លៃសម្រាប់ទីកន្លែងដទៃទៀត ហើយតម្លៃខ្លួនចាប់ពី៤៥លានផោនទៅ៦៥លានផោនដែលអ្នកបានអានក្នុងការចុះផ្សាយវាពិតលម្អៀងបន្តិច។ ដូច្នេះប្រសិនបើគាត់បានមកលេងនៅ Man Utd តើតួនាទីអ្វីដែលគាត់លេងក្រោកការដឹកនាំរបស់ Jose ហើយគាត់នឹងសមតែទទួលបានប្រាក់ឈ្នួលប៉ុន្មាន?
ភាពបត់បែនរហ័ស
Rodriguez តែងតែជាកីឡាករម្នាក់ដែលពិបាកចាត់ចំណាត់ថ្នាក់ និងប្រភេទថាតើគាត់ជាខ្សែបម្រើ ឬក៏ប្រយុទ្ធឲ្យច្បាស់នោះទេ។ តាមពិតទៅតួនាទីទាំងពីរនេះ គឺគាត់ធ្វើបានទាំងអស់។ ក្នុងរដូវកាលនេះគាត់លេងក្នុងដំណែងជាខ្សែបម្រើកណ្ដាល ខ្សែបម្រើស្ដាំ ខ្សែប្រយុទ្ធដំណែងលេខ១០ (ក្រោយខ្សែប្រយុទ្ធជួរមុខលេខ៩) ខ្សែប្រយុទ្ធស្លាបឆ្វេង ហើយនឹងជាខ្សែប្រយុទ្ធចំតួនៅខាងស្ដាំ និងកណ្ដាលក្នុងចំណោមដំណែងទាំងបីខាងលើ។ តែនៅ Real Madrid គាត់ភាគច្រើនលេងខ្សែបម្រើកណ្ដាលច្រើនជាងតួនាទីផ្សេងពីនេះ។
ភាពបត់បែនរបស់គាត់អាចជួយលោក Jose បានច្រើនបំផុត ជាក់ស្ដែង ប្រសិនបើគាត់ត្រូវបានឲ្យជួយជម្រុះនៃការរកគ្រាប់បាល់ក្នុង Champions League គឺល្អជាងឲ្យគាត់ជួយផ្លាស់ប្ដូរទម្រង់លេងក្នុងក្រុមនៅ Premier League។
ការទាត់បញ្ចូលទី និងបញ្ជូនបាល់
ចាប់តាំងពីរប្ដូរមកលេងនៅ Real Madrid ក្នុងតម្លៃ៧១លានផោនកាលពីឆ្នាំ២០១៤ ខណៈពេលបង្ហាញថ្វីជើងល្អបំផុតក្នុង World Cup 2014 ពេលវេលាលេងក្នុងទីលានរបស់គាត់បានថយចុះជាលំដាប់។ យើងអាចសន្និដ្ឋានថា ការចូលរួមជួយក្រុមរបស់គាត់បានការខ្វះខាត ប៉ុន្តែបើមើលស្ថិតិដែលបានធ្វើពិតជាមានតម្លៃសម្រាប់ក្រុម។
រដូវកាលដំបូងគាត់លេងជម្រើសដំបូងបាន២៩ប្រកួតក្នុង La liga រកគ្រាប់បាល់បាន១៣គ្រាប់ និងបញ្ជូនបាល់បាន១៣ដង។ រដូវកាលទី២គាត់ចូលលេងជម្រើសដំបូងបាន១៧ប្រកួត និងបម្រុង៩ប្រកួតគាត់រកបាន៧គ្រាប់និងបញ្ជូនបាល់បាន៨ដង។ រដូវកាលនេះសរុបនៃការចូលលេងទាំងអស់២១ ដង១៣ដងលេងជម្រើសដំបូងគាត់រកគ្រាប់បាល់បាន៨គ្រាប់ និងបញ្ជូនបាល់បាន៦ដង។
ស្ថិតិនេះអាចនិយាយបានថាគាត់អាចជួយ Man Utd បានច្រើនណាស់ ខណៈបច្ចុប្បន្នគ្មានកីឡាករណាម្នាក់របស់បិសាចក្រហមជួយក្រុមបានច្រើនជាង Zlatan Ibrahimovic ដែលស៊ុត និងបញ្ជូនបានលើសពី៦ដងក្នុងរដូវកាលនេះ ។ ទំនាក់ទំនងនៃការរកគ្រាប់បាល់ និងបញ្ជូនបាល់របស់គាត់គឺអាចនិយាយ Man Utd ទទួលបានផលចំណេញច្រើនណាស់។
ភាពប្រសើរឡើងរបស់កីឡាករ?
ប្រសិនបើយើងប្រៀបធៀប James ទៅនឹងជម្រើសខ្សែបម្រើល្អៗរបស់ Man Utd បច្ចុប្បន្នឃើញថាមានចំណុចគូរកត់ចំណាំជាច្រើន។ បើគិតពីទម្រង់លេងក្នុងលីក និងក្នុងការចូលលេងពេញមួយប្រកួត៩០នាទី គាត់រកគ្រាប់គ្រាប់បាល់ច្រើន ការបង្កើតឱកាសបញ្ជូនបាល់ និងប៉ះបាល់បានល្អច្រើននិងប្រសើរជាងកីឡាកររបស់លោក Jose ទៅទៀត។
៨គ្រាប់របស់គាត់ដែលរកបានក្នុងរដូវកាលនេះ ស្មើនឹងអត្រា០.៦២ក្នុងរយៈពេល៩០នាទី គឺច្រើនជាងខ្សែបម្រើMan Utd ទាំងអស់ខណៈ Juan Mata បាន០.៣៥។ Rodriguez បង្កើតឱកាសច្រើនបំផុត២ដង រាល់មួយប្រកួតស្មើនឹងអត្រា០,៤៥ក្នុងរយៈពេល៩០នាទី ឯ Hererra បានត្រឹមតែ០.២២ទេ។ បើនិយាយពីការប៉ះសេបាល់ល្អៗវិញ Rodriguez បាន២.៩៥ក្នុង៩០នាទី ខណៈ Mata បាន២.២៧។ ចំណែកស្ថិតិរបស់ Paul Pogba, Henrikh Mkhitaryan, Maroune Fellaini និង Jesse Lingard ស្ថិតិនៅក្រោមឆ្ងាយណាស់ក្នុងរដូវកាលនេះ។
តើ James គួរលេងក្នុងតំបន់ណាក្រោមការដឹកនាំរបស់ Jose?
ដូចដែលបានបង្ហាញខាងលើ ភាពបត់បែន ការពូកែក្នុងការបញ្ជូនបាល់ឲ្យទាត់បញ្ចូលទី និងទាត់បញ្ចូលទីដោយខ្លួនឯង គិតជាសរុបល្អជម្រើសរបស់ Man Utd បច្ចុប្បន្ន ហើយរូបគេអាចលេងគ្រប់តំបន់ណាក៏បានពីបម្រើទៅប្រយុទ្ធសម្រាប់ Mourinho ជ្រើសរើស។ យើងអាចសន្និដ្ឋានថាបើ Man Utd អាចទិញបាន Antoine Griezmann និង Romelu Lukaku ក្នុងរដូវក្ដៅនេះពួកគេអាចចេញជម្រើសដំបូង១១ដូច្នេះ៖
អ្វីៗបាននិយាយអស់ហើយ នៅតែចាំមើលថាតើ Man Utd នឹងទិញ Rodriguez មកមែនអត់? ប៉ុន្តែបើទិញបានមែននោះ James នឹងជួយ Jose Mourinho បានច្រើនបំផុត៕
ប្រភព៖ ំMetro Sport
