ជាសញ្ញាបញ្ជាក់ថា ជាមនុស្សមានទំនុកចិត្តលើខ្លួនឯងខ្លាំង ស្របពេលថ្វីជើងក្នុងការលេងបាល់ទាត់ខ្លាំង Cristiano Ronaldo បានកត់ចំណាំថា ឱន និងដាក់ខ្លួនខ្លាំងពេក មិនល្អសម្រាប់យើងឡើយ។
Real Madrid កំពុងរៀបចំខ្លួនត្រៀមចូលប្រកួតវគ្គផ្ដាច់ព្រ័ត្រពានរង្វាន់ Champions League ក្នុងទីក្រុងCardiff នៅថ្ងៃសៅរ៍ កីឡាករជម្រើសជាតិព័រទុយហ្គាល់ និងមិត្តរួមក្រុមដទៃទៀតបានគិត និងផ្ដល់មតិយោបល់ជាច្រើនទាក់ទងនឹងការប្រកួតដ៏ធំនេះទល់និង Juventus។
“ ក្នុងថ្ងៃប្រកួតនឹងមានការគិតច្រើន ហើយខ្ញុំសុខចិត្តមិនខ្វាយខ្វល់ច្រើនអំពីការប្រកួតផ្ដាច់ព្រ័ត្រ។ ការបន្ទាបខ្លួនពេលមិនល្អប៉ុន្មានទេ យើងត្រូវពង្រឹងបុគ្គលិកលក្ខណៈខ្លួនឯងឲ្យបានល្អ ហើយធ្វើយ៉ាងណាឲ្យល្អបំផុត។"
“ ពួកគេ( Juventus) ជាក្រុមដ៏ខ្លាំងមួយ ប៉ុន្តែពួកយើងក៏ខ្លាំងដែរ។ ខ្ញុំមានអារម្មណ៍ថាពួកយើងនឹងលេងក្នុងការប្រកួតដ៏អស្ចារ្យ ហើយពួកយើងនឹងឈ្នះ។" Ronaldo និយាយទៅកាន់ទូរទស្សន៍ Madrid TV។
ពេលសួរថា តើ Real Madrid នឹងលើកពានម្ដងទៀតទេ Ronaldo ក៏តប់ថា៖" ការប្រកួតផ្ដាច់ព្រ័ត្រគឺឈ្នះដោយការទាត់បញ្ចូលទី ។ យើងបានពង្រឹងទំនុកចិត្តខ្លាំងណាស់ ក្នុងការឈ្នះពានរង្វាន់នេះ ហើយពេលនេះយើងមានឱកាសតែមួយគត់។"
សូមបញ្ជាក់ឡើងវិញថា Juventus និង Real Madrid ត្រូវជួបគ្នានៅថ្ងៃទី៣ខែមិថុនាឆ្នាំ ២០១៧វេលាម៉ោង ១និង៤៥នាទីយប់ក្នុងកីឡដ្ឋាន Millennium Stadium, ទីក្រុង Cardiff ប្រទេសវែល៕
