សេចក្ដីថ្លែងការណ៍មួយទើបចេញពីមន្ទីរការពារជាតិ Pentagon បានប្រកាសថា ក្រុមហ៊ុនផលិតបរិក្ខាយោធាអាមេរិកឈ្មោះ Lockheed Martin ត្រូវទទួលបានប្រាក់ ៨.៥លានដុល្លារ ក្រោមកិច្ចសន្យាលើកម្មវិធីអភិវឌ្ឍន៍ប្រព័ន្ធគ្រប់គ្រងមីស៊ីល Tomahawk សម្រាប់កងទ័ពជើងទឹកអាមេរិក និងអង់គ្លេស។
ក្រសួងការពារជាតិសហរដ្ឋអាមេរិក កាលពីថ្ងៃអង្គារសប្ដាហ៍នេះ បានប្រកាសថា "ក្រុមហ៊ុន Lockheed Martin ត្រូវទទួលបានប្រាក់ ៨.៥លានដុល្លារ ក្រោមកិច្ចសន្យាលើការអភិវឌ្ឍន៍ប្រព័ន្ធគ្រប់គ្រងមីស៊ីលសម្រាប់កងទ័ពជើងទឹក ដើម្បីងាយស្រួលក្នុងការគ្រប់គ្រង និងថែរក្សាការពារ ក៏ដូចជាការអភិវឌ្ឍន៍សមត្ថភាពបន្ថែមលើប្រព័ន្ធគ្រប់គ្រងមីស៊ីល Tomahawk ជាដើម"។
គួរបញ្ជាក់ថា មីស៊ីលម៉ាក Tomahawk គឺជាអាវុធមួយប្រភេទដែលធ្លាប់បានបាញ់ចំនួន ៥៩គ្រាប់ ប្រឆាំងនឹងអាវុធគីមី នៅប្រទេសស៊ីរី ហើយក៏ត្រូវបានអ្នកជំនាញអះអាងថា វាមានកម្លាំងខ្លាំងមធ្យមផងដែរ។ លើសពីនេះទៀតក្រុមហ៊ុនផលិតបរិក្ខារយោធាអាមេរិកមួយនេះ នឹងធ្វើការបង្កើនកម្លាំងបន្ថែមមួយកម្រិតទៀតទៅលើ មីស៊ីលប្រភេទនេះ ដោយគោរពតាមកិច្ចព្រមព្រៀង៕
