មនុស្សចំនួន ២នាក់ដែលត្រូវរងការរលាកយ៉ាងធ្ងន់ធ្ងរ និង១០នាក់ផ្សេងទៀតរងរបួសស្រាល ខណៈពេលដែលមានការវាយប្រហារដបសាំង ទៅលើភោជនីយដ្ឋានជាយក្រុង នាប្រទេសបារាំង។ នេះបើយោងតាមគេហទំព័រសារព័ត៌មានរុស្ស៊ី បានចេញនៅថ្ងៃអាទិត្យ ទី១១ ខែឧសភា ឆ្នាំ២០១៧។
នៅវេលាម៉ោង ៨:៣០ល្ងាច(ម៉ោងនៅក្នុងស្រុក) កងកម្លាំងពន្លត់អគ្គីភ័យបារាំងចំនួន ៥០នាក់បានធ្វើការជួយពន្លត់ភ្លើងក្នុងភោជនីយដ្ឋានមួយកន្លែង ដែលស្ថិតនៅផ្លូវលេខ ៧២ rue Schaeffer ឃុំ Aubervilliers ស្រុក Seine-Saint-Denis ប្រទេសបារាំង និងជួយដល់ជនរងគ្រោះជាច្រើននាក់ផងដែរ។
គួរបញ្ជាក់ផងដែរថា ការវាយប្រហារខាងលើគឺមិនទាន់ច្បាស់នៅឡើយទេ ប៉ុន្តែសេចក្ដីរាយការណ៍មួយចំនួនបានបង្ហាញថា វាអាចជាអំពើប្លន់ធម្មតានោះទេ។ រយៈពេល២ឆ្នាំហើយដែលប្រទេសបារាំង ស្ថិតនៅក្រោមភាពអាសន្ន ដោយអំពើភេរវកម្ម ដែលធ្វើឲ្យរង្គោះរង្គើក្នុងប្រទេសទាំងមូល៕
