ប្រពន្ធរបស់ Alvaro Morata ត្រូវបានគេឃើញចុច Follows គណនី Instagram ផ្លូវការផ្លូវការរបស់ Manchester United ដែលនេះត្រូវបានគេសន្និដ្ឋានថា ការបើកផ្លូវចុះកុងត្រាមកលេងនៅ Old Trafford របស់ខ្សែប្រយុទ្ធជម្រើសជាតិអេស្ប៉ាញកំពុងមានភាគរយខ្ពស់។
កីឡាករវ័យ២៤ឆ្នាំ ទាត់បញ្ចូលទីបាន២០គ្រាប់ឲ្យស្ដេចសកាលពីរដូវកាលមុន ប៉ុន្តែរូបគេមិនបានទទួលការចូលលេងទៀងទាត់នោះទេ ក្រោមការបញ្ជារបស់ Zinedine Zidane ហើយរូបគេត្រូវបានគេរាយការណ៍ប្ដូរមកលេងនៅអង់គ្លេសក្នុងរដូវកាលថ្មី២០១៧-២០១៨។
របាយការណ៍បានបង្ហាញថា Madrid ចង់បានតម្លៃយ៉ាងហោចណាស់៧០លានផោន សម្រាប់ការលក់Morata ក្នុងរដូវក្ដៅនេះ បន្ទាប់ពី បិសាចក្រហមមានអាទិភាពក្នុងការសម្រេចបាននូវខ្សែប្រយុទ្ធរបស់ខ្លួន ក្រោយពេល Antoine Griezmann សម្រេចបន្តអនាគតជាមួយ Atletico Madrid ។ ការរៀបមង្គលការរបស់Morata កាលពីថ្មីៗនេះធ្វើឲ្យការពិភាក្សាចុះហត្ថលេខាត្រូវពន្យារពេល ប៉ុន្តែការចុច Follows របស់អ្នកនាង Alice Campello ទៅលើគណនី Instagram របស់បិសាចក្រហម គឺជាអ្វីដែលយើងអាចសន្និដ្ឋានបានថានាងចាប់ផ្ដើមគាំទ្របិសាចក្រហមហើយ។
Campello ចាប់ផ្ដើមចុច Follows នេះ ស្របពេលការពិភាក្សាដំណាក់ចុងក្រោយ ក្នុងការស៊ីញេកុងត្រា ឈានដល់ការបញ្ចប់រួចរាល់នៅសប្ដាហ៍ក្រោយ។ គេជឿថាលោក Jose Mourinho ត្រូវការទិញអតីតខ្សែប្រយុទ្ធ Juventus រូបនេះសម្រេចឲ្យបានមុនការប្រកួត Pre- Season នៅអាមេរិក ខណៈក្លឹបទើបតែទិញបានខ្សែការពារ Victor Lindelof តែម្នាក់ប៉ុណ្ណោះ៕
ប្រភព ៖ Metro
