តាមប្រភពប្រធានក្លឹប Real Madrid លោក Florentino Perez និយាយក្នុងបទសម្ភាសន៍ផ្ដាច់មុខ របស់ទូរទស្សន៍ Onda Cero បាននិយាយថា Real Madrid មិនបានទទួលសំណើ ទិញកីឡាករពីក្លឹបណាមួយនោះទេសូម្បីតែ Man Utd ល្បីថាចង់បាន Morata និង James ខ្លាំងក៏ដោយ។
មួយរយៈកាលចុងក្រោយ Manchester United ត្រូវបានគេជឿថាខិតជិតឈានទៅដល់ការស៊ីញេកុងត្រាយកខ្សែប្រយុទ្ធជម្រើសជាតិអេស្ប៉ាញ Alvaro Morata ហើយគ្រូបង្វឹកបិសាចក្រហមលោក Jose ក៏ត្រូវបានគេរាយការណ៍មកថាបានអន្ទង Morata មកលេងនៅ Old Trafford ដោយសន្យាឲ្យកីឡាកររូបនេះដើរតួសំខាន់ជាងគេក្នុងក្រុម។
Perez ត្រូវបានគេវិទ្យុ Onda Cero សួរអំពីភាពអាចទៅរួចក្នុងនៃការចាកចេញរបស់ Ronaldo ហើយគាត់បាននិយាយទៅកាន់វិទ្យុខាងលើថា៖" ពួកយើងមិនបានទទួលសំណើណាមួយពីនរណាម្នាក់ ក្នុងរដូវក្ដៅនេះទេ។ Cristiano អត់មានទេ, Morata ក៏អត់ដែរ ហើយសូម្បីតែ James Rodriguez” (“We haven’t received offers for anyone this summer. “Not Cristiano, not Morata — not James [Rodriguez].” ។
បិសាចក្រហមត្រូវបានគេគិតថា បានយល់ព្រមលក្ខខណ្ឌផ្ទាល់ខ្លួនជាមួយកីឡាករវ័យ២៤ឆ្នាំ ជាមួយនឹងកាតផ្ទេរ ប៉ុន្តែការផ្ទេរផ្លូវការត្រូវបានជាប់គាំងប៉ុន្តែ Perez បានទទូចថា គាត់មិនបានទទួលបានសំណើជាផ្លូវការ ពីបិសាចក្រហមនោះទេ។ ជាមួយគ្នានេះដែរ។ James ក៏ត្រូវបានគេរាយការណ៍ថាជាគោលដៅរបស់ Man Utd ស្របពេល Chelsea ជាក្លឹបមួយដែលចង់បានខ្លាំងដែរនោះ។
ទោះបីជារដូវកាលមុនរូបគេត្រូវបានគ្រូបង្វឹកមិនសូវដាក់ឲ្យលេងតែ Perez បញ្ជាក់ច្បាស់ហើយថាមិនទទួលបានសំណើណាមួយ នោះទេហើយគាត់សង្ឃឹមថា រក្សាកីឡាករពាក់អាវលេខ១០របស់ស្ដេចសរូបនេះបាន៕
