ប៉ូលិសថៃ បានដីកាចាប់ខ្លួនបុរសម្នាក់ ដែលគេសង្ស័យថា ជាអ្នកវាយប្រហារគ្រាប់បែកនៅក្នុងមន្ទីរពេទ្យ Phramongkutklao និងការផ្ទុះថ្មីមួយចំនួនផ្សេងទៀត។ នេះបើយោងតាមសារព័ត៌មាន nationmultimedia បានចេញផ្សាយនៅថ្ងៃសុក្រ ទី១៦ ខែមិថុនា ឆ្នាំ២០១៧។
អគ្គស្នងការរងនគរបាលលោក Srivara Ransibrahmanakul បានប្រាប់ឲ្យដឹងថា តុលាការបានចេញដីកាចាប់ខ្លួន ជនសង្ស័យអាយុ ៦២ឆ្នាំ ដែលជាអតីតវិស្វករអគ្គិសនីនៅអាជ្ញាធរអគ្គិសនីនៃប្រទេសថៃ។
លោក Srivara បានបន្តទៀតថា ខ្លួនកំពុងបន្តស្វែងរកជនសង្ស័យ ដែលជាប់ពាក់ព័ន្ធនឹងការដាក់គ្រាប់បែកនៅមុខការិយាល័យកណ្ដាលនៃការិយាល័យឆ្នោតរបស់រដ្ឋាភិបាល នៅលើផ្លូវ Rajdamnone និងនៅខាងមុខសាលមហោស្រពជាតិ៕
