CNN៖ សេចក្ដីរាយការណ៍មួយចេញរបស់មន្ទីរការពារជាតិ Pentagon សហរដ្ឋអាមេរិកបានឲ្យដឹងថា បច្ចុប្បន្ន ជម្លោះសមុទ្រចិនខាងត្បូងកាន់តែធ្លាក់ចូលទៅក្នុងស្ថានភាពមួយ ដែលមិនអាចទទួលយកបាន ខណៈចក្រភពអង់គ្លេសជ្រៀតជ្រែកបានចូលខ្លួនក្នុងជម្លោះនេះដែរ តាមរយៈការបញ្ជូននាវាចម្បាំងប្រជែងជាមួយនាវាចិន។
ជុំវិញបញ្ហាខាងលើ រដ្ឋមន្ត្រីការបរទេសអង់គ្លេស លោក Boris Johnson បានលើកឡើងថា “រូបលោកនឹងបញ្ជូននាវាផ្ទុកយន្តហោះធុនថ្មីចំនួន ០២គ្រឿងទៅធ្វើប្រតិបត្តិការនៅសមុទ្រចិនខាងត្បូង។" លោកបានបន្ថែមថា ដំណើរប្រតិបត្តិការយោធាខាងលើនេះ គឺធ្វើទៅស្របតាមច្បាប់អន្តរជាតិ ជាលក្ខណៈសេរីភាពនាវាចរណ៍ឆ្លងកាត់ផ្លូវទឹក នៃតំបន់ពាណិជ្ជកម្មពិភពលោក ទោះបីជាមានភាគីជិតខាងជំទាស់ ឬមិនពេញចិត្តពេញថ្លើមក៏ដោយ។
គួរបញ្ជាក់ថា ការលើកឡើងរបស់រដ្ឋមន្ត្រីការបរទេសអង់គ្លេស លោក Boris Johnson បានធ្វើរដ្ឋាភិបាលទីក្រុងប៉េកាំងខឹងសម្បារយ៉ាងខ្លាំង ខណៈប្រទេសដែលមានសេដ្ខកិច្ចខ្លាំងមួយនេះ មិនដែនស្វាគមន៍ទីក្រុងឡុងដ៍នោះឡើយ ចាប់តាំងពីទឹកដីហុងកុងស្ថិតក្រោមអាណានិគមនិយមរបស់អង់គ្លេស រហូតដល់រំដោះមកវិញ៕
