ក្រសួងការពារជាតិអាមេរិក បាននិយាយប្រាប់ឲ្យដឹងថា កូរ៉េខាងជើង បានធ្វើការបាញ់សាកល្បងមីស៊ីលជាលើកទី២របស់ខ្លួន ពីខេត្ត Jagang ភាគខាងជើងប្រទេស កាលពីវេលាម៉ោង ១១៖៤១យប់ថ្ងៃសុក្រនេះ (ម៉ោងក្នុងស្រុក)។ បើយោងតាមគេហទំព័រសារព័ត៌មាន អង់គ្លេស (Express) បានចេញផ្សាយនាព្រឹកថ្ងៃសៅរ៍ ទី២៩ ខែកក្កដា ឆ្នាំ២០១៧។
មន្ទីរបញ្ចកោណអាមេរិក Pentagon បានវិភាគឲ្យដឹងថា ការបាញ់បង្ហោះកាំជ្រួចផ្លោងអន្តរទ្វីបចុងក្រោយ (ICBM) នេះ វាមានសមត្ថភាពវាយប្រហារទីក្រុងសំខាន់ៗរបស់សហរដ្ឋអាមេរិក និងធ្វើឲ្យមនុស្សរាប់លាននាក់ ប្រឈមមុខនឹងហានិភ័យ។ ប្រធានកម្មវិធីសន្តិសុខសកលលោករបស់អង្គការសហប្រជាជាតិលោក David Wright មានការព្រួយបារម្ភ ប្រសិនបើកាំជ្រួចមីស៊ីលចុងមួយនេះ ត្រូវបានបាញ់បង្ហោះដោយជោគជ័យនោះ សមត្ថភាពរបស់វាអាចបាញ់ត្រូវគោលដៅ នៅរយៈចម្ងាយអតិបរមារហូតដល់ ១០.៤០០គីឡូម៉ែត្រ។
គួរបញ្ជាក់ផងដែរថា ទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន បានអនុវត្តធ្វើលំហាត់ប្រាណដោយប្រើគ្រាប់ពិត ប៉ុន្មានម៉ោងបន្ទាប់ពីការគោរពខួបលើកទី ៦៤ របស់កូរ៉េខាងជើង។ កាលពីថ្ងៃទី០៤ ខែកក្កដា ទីក្រុងព្យុងយ៉ាង ទើបតែបានប្រកាសអំពីជោគជ័យនៃការធ្វើតេស្តសាកល្បងមីស៊ីលអន្តរទ្វីប (ICBM)៕
