ទីភ្នាក់ងារទីក្រុងសេអូល បានរាយការណ៍ឲ្យដឹងថា កូរ៉េខាងជើងកំពុងស្ថិតនៅពីក្រោយកិច្ចខិតខំប្រឹងប្រែងរៀបចំផែនការ សម្រាប់វាយលុកកុំព្យូទ័ររបស់ស្ថាប័នហិរញ្ញវត្ថុនានានៅក្នុងប្រទេសកូរ៉េខាងត្បូង និងជុំវិញពិភពលោក ដើម្បីពង្រីកមហិច្ឆតារបស់ខ្លួន។ នេះបើយោងតាមសារព័ត៌មាន Reuters បានចុះផ្សាយនារសៀលថ្ងៃសុក្រ ទី២៨ ខែកក្កដា ឆ្នាំ២០១៧។
រដ្ឋាភិបាលអាមេរិក បានស្ដីបន្ទោសកូរ៉េខាងជើង ចំពោះការលួចចម្លងរបស់ក្រុមហ៊ុន Sony ហើយមន្ត្រីសហរដ្ឋអាមេរិកមួយចំនួន បាននិយាយថាព្រះរាជអាជ្ញាកំពុងកសាងរឿងក្ដីប្រឆាំងនឹងទីក្រុងព្យុងយ៉ាង នៅក្នុងការលួចលុយធនាគារបង់ក្លាដេស។ ក្រុមលួចតាមអីុនធឺណិតឈ្មោះ Andariel បានផ្ដោតលើការវាយប្រហារទៅលើក្រុមហ៊ុនពាណិជ្ជកម្ម និងទីភ្នាក់ងាររដ្ឋាភិបាលកូរ៉េខាងត្បូង ដោយប្រើប្រាស់មធ្យោបាយបច្ចេកទេសទំនើប។
គួរបញ្ជាក់ផងដែរថា ក្រុមអ្នកស្រាវជ្រាវសន្តិសុខអីុនធឺណិត ក៏បាននិយាយផងដែរថា ពួកគេរកឃើញភស្តុតាងមួយចំនួន ដែលទាក់ទងនឹងកូរ៉េខាងជើង ដែលនៅពីក្រោយការវាយប្រហារតាមអីុនធឺណិតឈ្មោះថា WannCry ransomware attack ដែលបានចម្លងចូលកុំព្យូទ័រច្រើនជាង ៣សែនគ្រឿង នៅក្នុង ១៥០ប្រទេស នាខែឧសភាកន្លងទៅនេះ៕
