យោងតាមសារព័ត៌មាន BBC បានចេញផ្សាយឲ្យដឹងនៅថ្ងៃចន្ទ ទី០៣ ខែកក្កដា ឆ្នាំ២០១៧ មុននេះថា នាវាចម្បាំងសហរដ្ឋអាមេរិក នៅព្រឹកនេះបានចូលកាន់កៀកតំបន់មានជម្លោះ សមុទ្រចិនខាងត្បូងហើយ ដោយស្ថិតក្នុងចម្ងាយប្រមាណជា ១៩.៣១២១គីឡូម៉ែត្រពីកោះ Tritonជាផ្នែកមួយនៃកោះ Paracel ជាច្រើនទៀត។
រដ្ឋាភិបាលទីក្រុងប៉េកាំងបានហៅសកម្មភាពនេះថា វាជានយោបាយក្នុងការប្រើយោធាបង្កហេតុដ៏ធ្ងន់ធ្ងរមួយនៅជិតតំបន់មានជម្លោះ។ ទន្ទឹមគ្នានេះដែរ ប្រភពសារព័ត៌មានខាងលើបានបញ្ជាក់ទៀតថា ស្ថានភាពពេលនេះ យន្តហោះប្រយុទ្ធរបស់ចិនជាច្រើនគ្រឿងកំពុងហោះឆ្វែលនៅលើកោះ ត្រៀមខ្លួនឆ្លើយតបសកម្មភាពប្រក្រតីណាមួយរបស់នាវាអាមេរិក។
ហេតុការណ៍នេះបានចាប់ផ្ដើមឡើង បន្ទាប់ពីរដ្ឋាភិបាលទាំងពីរជជែកគ្នាតាមទូរស័ព្ទ ដោយអាមេរិកព្រមានចិនជាថ្មីថា នឹងមានការប្រឈមយោធាដាក់គ្នា ខណៈដែលទីក្រុងប៉េកាំងប្រកាន់ភាពឯកតោភាគីនៅសមុទ្រចិនខាងត្បូង ក៏ដូចជាការដាក់ដំណើរការនាវាចម្បាំងធុនថ្មីរបស់ខ្លួន នៅលើដែនទឹកមានជម្លោះ ដើម្បីបង្កើនឥទ្ធិពលខ្លួនឯង៕
