ប្រភពពី Daily Mail បានរាយការណ៍មកប៉ុន្មានម៉ោងមុននេះថា ក្លឹប Manchester United បានទទួលជោគជ័យក្នុងការនាំយកខ្សែប្រយុទ្ធស្លាប តម្លៃ៤៤លានផោននោះគឺក្លឹប Ivan Perisic។
ខ្សែប្រយុទ្ធជម្រើសជាតិក្រូអាត មានទំនាក់ទំនងយ៉ាងជិតស្និតជាមួយនឹងការផ្ទេរ Old Trafford ក្នុងរដូវក្ដៅនេះហើយកាសែតខាងលើបាននិយាយថាកីឡាករខិតជិតទទួលការជោគជ័យមកលេងនៅ Man Utd ហើយ។ បិសាចក្រហមខិតជិតមែនទែន ក្នុងការចំណាយលុយ៣៩.៥លានផោន ដល់ខ្សែប្រយុទ្ធស្លាបរូបនេះ បន្ទាប់ពីជួបគ្នាពិភាក្សាលើរឿងនេះ អស់ជាច្រើនសប្ដាហ៍មក។ តម្លៃនៃកិច្ចព្រមព្រៀងទាំង២ភាគីប្រហែលជាង៤៤លានផោន។
Daily Mail និយាយថា Perisic បានចាកចេញពីកន្លែងហ្វឹកហាត់ នៃការប្រកួតមុនបើករដូវកាល ក្នុងប្រទេសចិនកាលពីម្សិលមិញ ដើម្បីទៅសម្រួលក្នុងការប្ដូរទៅលេងនៅ ទឹកដី Theatre of Dreams។ខណៈពេលដែលក្រុមបិសាចក្រហមបានទៅដល់អាមេរិកកាលពីសប្ដាហ៍មុន សម្រាប់ការប្រកួតមុនបើករដូវកាលមុន លោក Ed Woodward បានស្នាក់នៅអង់គ្លេសដើម្បីបំពេញកិច្ចព្រមព្រៀងជាមួយ Inter Milan។
កីឡាករវ័យ២៨ឆ្នាំរកបាន១១គ្រាប់ និងបញ្ជូនបាល់បាន១១ដងក្នុងការចូលលេងឲ្យក្លឹបយក្ស Serie A ក៏ជាគោលដៅរបស់ Liverpool និង Chelsea៕
