កីឡាករប្រដាល់ដែលគេចាត់ទុកថាជាវីរបុរសប្រដាល់ក្នុងតំបន់អាស៊ី Manny Pacquiao ជឿថាគាត់ត្រូវបានគេកំណត់ឲ្យចាញ់រួចទៅហើយ ក្នុងការប្រកួតថ្មីៗនេះ ដែលលោកបានចាញ់អ្នកប្រដាល់អូស្ត្រាលី Jeff Horn។
អ្នកប្រដាល់ហ្វីលីពីនបាននិយាយក្នុង ABS-CBN ថា៖"យើងបានមានពិន្ទុនាំមុខ Jeff ពី៤ទៅ៥ទឹកនេះគឺជាអ្វីដែលខ្ញុំគិតថា លទ្ធផលត្រូវបានកំណត់រួចហើយ។ យើងឈ្នះការប្រកួត វាពិតជាឈ្នះច្បាស់ណាស់ ទោះបីជាយើងមើលវីដេអូប្រកួតសារឡើងវិញក៏ដោយ"។
លោក Freddie Roach គ្រូបង្វឹកប្រដាល់របស់ Pacquiao បានបញ្ជាក់ថា អាជ្ញាកណ្ដាលក៏រួមចំណែកក្នុងការចាញ់របស់ Pacquiao កាលពីថ្មីៗនេះដែរ។" វាហាក់ដូចជាការប្រកួតចំបាប់មួយអញ្ចឹង។ មានការលួចវាយក្បាលពីក្រោយជាច្រើនដងតែអាជ្ញាកណ្ដាលមិនផ្ដោតសំខាន់និងឃាត់"។
បន្ទាប់បីការចាញ់ក្នុងការប្រកួតលើកនេះ លោក Roach និង Pacquiao ប្រហែលជាត្រូវអង្គុយគិត និងពិចារណាថាត្រូវចូលនិវត្តន៍ឬក៏យ៉ាងណា៕
ប្រភព៖ mmaimports