ភ្នំពេញ ៖ តារាកំប្លែងនាយ ពែកមី នៅប៉ុន្មានម៉ោងមុននេះ គណនីហ្វេសប៊ុករបស់លោក ត្រូវបានចោរលួចបាត់ហើយ នេះបើតាមការទម្លាយព័ត៌មានតាមរយៈវីដេអូផ្សាយផ្ទាល់របស់លោក ហេង ឡុង នៅម៉ោង៤រសៀលថ្ងៃទី១៦ សីហា ២០១៧ នេះ ។
លោក ហេង ឡុង ដែលគេស្គាល់ថា ជាអនាគតស្វាមីរបស់អ្នកនាង ចន ច័ន្ទលកិ្ខណា ដែលត្រឡប់មកពីនាំអំណោយមនុស្សធម៌របស់មូលនិធិចាស់ជរាជូនលោក តា សេក សឿន វីរៈសិល្បករ បានបង្ហោះវីដេក្នុងគណនីហ្វេសប៊ុក ដោយប្រកាសថា ហ្វេសប៊ុកនាយ ពែក មី ត្រូវបានមនុស្សអាក្រក់លូច ហែកចូល យកបាត់ហើយ ពេលនេះនាយ ពែកមី កំពុងមានទុក្ខជាទម្ងន់ ។
ក្នុងវីដេអូផ្សព្វផ្សាយជូនដំណឹង ដែលហ្វេសប៊ុកនាយ ពែក មី ត្រូវបានគេហែកចូលនោះ លោក ហេង ឡុង និយាយបែបលេងសើចផងដែរថា បើប្រពន្ធលែងចោល ក៏មិនស្មើរ ហេ្វសប៊ុក ដែលត្រូវគេលូចទៅបាត់ដែរ»។
ស្របពេលជាមួយគ្នានេះដែរ នាយ ពែក មី ក៏បានបង្ហាញការសោកស្តាយគ្រាដែលហ្វេសប៊ុករបស់លោកផ្ទាល់ ត្រូវគេហែកចូលនោះ បានអោយដឹងថា ហេ្វសប៊ុកខ្ញុំ ពិតជាមានតម្លៃខ្លាំងណាស់ ព្រោះថា «រាល់ការងារក្នុងសង្គមច្រើនណាស់ដែលទាក់ទងទៅនឹងសង្គម បើសិនជាមានករណី គេប្រើគណនីហ្វេសប៊ុករបស់ខ្ញុំ ហើយមានខ្ញុំផ្ញើសារទៅខ្ចីលុយ ឬករណីអ្វីផ្សេង សូមកុំឲ្យសោះ» ។
គិតមកត្រឹមល្ងាចថ្ងៃទី១៦ សីហា ២០១៧នេះ នាយ ពែកមី កំពុងតែសោកស្ដាយយ៉ាងខ្លាំងនៅឡើយ ហើយអ្វីដែលលោក ពាក់មី សោកស្តាយបំផុតនោះ គឺស្តាយមិត្តភក្តិ និងអ្នក Like ផេកលោកជាច្រើននាក់ ដែលមានចំនួនរហូតដល់ទៅជិត១លាននាក់ឯណោះ បើគិតមកដល់ពេលបច្ចុប្បន្ននេះ រយៈពេល៦ឆ្នាំមកហើយ។
ខណៈលោក និងក្រុមបច្ចេកទេសមួយចំនួន កំពុងតែស្វែងរកវិធីសាស្ដ្រ ដើម្បីទាយយកគណនីហ្វេសប៊ុក របស់គាត់មកវិញផងដែរ ៕
សូមទស្សនាវីដេអូ លោក ហេង ឡុង មានដូចខាងក្រោម ៖
