ក្រុមស្ដេចស Real Madrid បានលើកពាន Spanish Super Cup បានសម្រេចហើយក្រោយបន្តឈ្នះ Barcelona ក្នុងលទ្ធផល២ទល់០សរុបគ្រាប់បាល់ទាំងពីរជើង៥-១។
និយាយក្នុងការប្រកួតជើងទី២យប់មិញក្រុមម្ចាស់ផ្ទះបានបង្ហាញថ្វីជើងយ៉ាងល្អក្រោយចូលលេងបានត្រឹម៤នាទីវគ្គទី២ខ្សែបម្រើប្រយុទ្ធស្លាបវ័យក្មេង Marco Asensio បំប៉ោងសំណាញ់ទី Barca ក្រៅតំបន់គ្រោះថ្នាក់សឹងមិនគួរឲ្យជឿ។
នៅនាទី៣៨ក្រោយការបញ្ជូនបាល់យ៉ាងស្អាតពីខ្សែការពារស្លាបឆ្វេង Marcelo ខ្សែប្រយុទ្ធKarim Benzema បានទាត់ផ្កាប់ចានគ្រាប់ទី២បានសម្រេច។ ចូលវគ្គទី២ក្រុមទាំងពីរមិនអាចរកគ្រាប់បាល់បន្ថែមបានទៀតទេហើយលទ្ធផល២-០នេះក៏បន្តរហូតដល់ចប់ការប្រកួត ធ្វើឲ្យ Real Madrid លើកពានតែម្ដង។
សូមទស្សនាវីដេអូខាងក្រោម៖
