មុននេះបន្តិច លោក សាន្ត ប៊ុនធឿន បានទៅសម្ភាសន៍ដល់ស្នងការដ្ឋានខេត្តបាត់ដំបង ទាក់ទងនឹងរឿងលោកយាយ រួន រុំ ដែល ធ្វើសកម្មភាពលួចទ្រព្យសម្បត្តិនៅក្នុងផ្សារ១៣មករា (ផ្សារថ្មី) ហើយត្រូវត្រូវម្ចាស់តូបតាមទាន់ រហូតឈានដល់ហិង្សា។
យោងតាមបទសម្ភាសន៍ លោក អធិការក្រុងបាត់ដំបងបានលើកឡើងទាក់ទងនឹងលោកយាយថា ៖ លោកយាយ មានទីលំនៅមិនច្បាស់លាស់ ដំបូងគាត់នៅស្រុកពញាឮ ក្រោយមកផ្លាស់ទីលំនៅទៅប៉ោយប៉ែត បន្ទាប់មកថ្ងៃកើតហេតុ លោកយាយក៍បានធ្វើដំណើរមក បាត់ដំបង ក្នុងគោលបំណងសុំថវិកាដើម្បីបន្តដំណើរទៅលេងស្រុកកំណើតនៅ កំពង់ឆ្នាំង តែមិនបាន ចៃដន្យឃើញឱកាស ក្នុងតូបនោះ ម្ចាស់មិនចាប់អារម្មណ៍ក៍បានលួចទ្រព្យសម្បត្តិគេ ប៉ុន្តែម្ចាស់គេទាន់ ក៍បានប្រតាយប្រតប់ជាមួយម្ចាស់គេ រហូតលោកយាយបានទាញកាំបិតទៅចាក់ចំដៃម្ចាស់តូបតែម្ដង។
លោកអធិការក៍បានបន្តថា ប្រសិនបើលោកយាយមិនប្រតាយប្រតប់ កាន់កាំបិតសំញ៉ែងជាមួយម្ចាស់គេទេ ក៍ប្រជាពលរដ្ឋមិនប្រើហិង្សាដែរ។ មកទល់ពេលនេះលោកអធិការថាបានបញ្ជូនសុំនុំរឿងនេះទៅកាន់អធិការដ្ឋានដើម្បីចាត់ចែងទៅតាមផ្លូវច្បាប់។
សូមទស្សនាបទសម្ភាសន៍លម្អិតខាងក្រោមនេះ ៖
