ប្រហែលជាមួយម៉ោងមុននេះបន្តិច លោក ផែង វណ្ណៈ បានបង្ហោះសារដ៏មានអត្ថន័យសម្រាប់មហាជនជាច្រើនគិត ជុំវិញបញ្ហាចាប់ស្ត្រីឈ្មោះ love Riya លក់ឡេក្លែងក្លាយ ដោយលោកបានរៀបរាប់យ៉ាងដូចនេះថា:
ថៅកែលាយឡេក្លែងក្លាយ និងរោងចក្រលាយឡេដ៏ធំ ត្រូវសមត្ថកិច្ចបង្ក្រាប រោងចក្រលាយឡេខុសច្បាប់ដ៏ធំ ស្ថិតនៅភូមិព្រែកតាពៅ សង្កាត់ដើមមៀន ក្រុងតាខ្មៅ ត្រូវបាននគរបាលបង្ក្រាបនិងចាប់ថៅកែរោងចក្របញ្ជូនទៅតុលាការបន្ទាប់ពីឡេក្លែងក្លាយនេះមានអានុភាពគ្រោះថ្នាក់ជាងគ្រឿងញៀន និងម្ហូបចំណីអាហារគីមី ។ ការចុះបង្ក្រាបនេះបានធ្វើឡើងបន្ទាប់ពីសង្ស័យថាឡេក្លែងក្លាយនេះគ្រោះថ្នាក់ដល់អ្នកប្រើប្រាស់ និង អាចសម្លាប់មនុស្សអស់ច្រើននាក់ ?
ខាងក្រោមនេះជាឧបករណ៍និងម៉ាស៊ឺនលាយឡេក្លែងក្លាយខុសច្បាប់ មានកាធុនដែកមួយ វែកមួយ ម្សៅលាយឡេរាប់សិបតោន ។ សូមអបអរសារទរ និង កោតសរសើរចំពោះស្នាដៃដ៏ធំធេងរបស់សមត្ថកិច្ចដែលបានស្រាវជ្រាវបង្ក្រាបរោងចក្រលាយឡេក្លែងក្លាយដ៏ធំមហិមានៅព្រះរាជាណាចក្រកម្ពុជា ។ សូមតុលាការដាក់គុកអោយបានធ្ងន់ធ្ងរបំផុត ព្រោះការបង្កើតរោងចក្រលាយឡេក្លែងក្លាយនេះ ជាបទឧក្រិដ្ឋធ្ងន់ធ្ងរមានគ្រោះថ្នាក់ដល់មនុស្សសាហាវជាងគ្រឿងញៀនទៅទៀត ។
ហើយលោកក៍បានបន្ថែមទៀតថា ៖ មហាជនផ្ទុះប្រតិកម្មកក្រើក Facebook រឿងចាប់អ្នកលក់ឡេដាក់គុក ដោយមហាជនយល់ថាជារឿងអយុត្តិធម៌បំផុតដែលគ្នារកស៊ីបន្តិចបន្តួចត្រូវចាប់ដាក់គុកខណ:ឈ្មួញនាំម្ហូបអាហារ បន្លែ ផ្លែឈើ ពីប្រទេសជិតខាងសង្ស័យមានសាធាតុគីមីមិនត្រូវបានត្រួតពិនិត្យ ។
ការងារលក់ដូរតាម online ជាមុខរបរដ៏ពេញនិយមរបស់យុវជនសម័យ Facebook ជាពិសេសយុវជនដែលរៀនចប់រកការងារធ្វើមិនបានក៏នាំគ្នាប្រកបរបរលក់ផលិតផលផ្សេងៗតាម online ដើម្បីចឹញ្ចឹមជីវិត ។ ការចាប់យកមុខរបរនេះជាផ្នែកមួយរួមចំណែកកាត់បន្ថយការលំបាករបស់រាជរដ្ឋាភិបាលក្នុងការរកទីផ្សារការងារជូនយុវជនផងដែរ ។
សមត្ថកិច្ច ឬ ស្ថាប័នជំនាញពាក់ព័ន្ធ គួរមានការលើកទឹកចិត្ត ហើយបង្កើតយន្តការគ្រប់គ្រងអ្នកលក់ផលិតផលទាំងនេះដើម្បីជៀសវាងការប្រើប្រាស់ផលិតផលក្លែងក្លាយ ប្រសើរជាងការចាប់អ្នកលក់ online យកទៅដាក់គុក ។ មុននឹងចាត់វិធានការណ៍ចាប់ដាក់គុក គួរប្រើវិធានការណ៍ផ្សព្វផ្សាយអប់រំសិន បើអប់រំមិនស្ដាប់ត្រូវចាត់វិធានការណ៍ច្បាប់ក៏មិនហួសពេលដែរ ។
សង្ឃឹមថាតុលាការនឹងដោះលែងអ្នកលក់ឡេដែលសមត្ថកិច្ចចាប់ក្នុងពេលឆាប់ៗ ។
យប់នេះម៉ោង ៨ ខ្ញុំនឹងចេញវីដេអូ អំពីករណី ចាប់អ្នកលក់ឡេនេះជូនមហាជនជ្រាប ថាតើការចាប់នេះចំណេញអ្វីខ្លះ ខាតអ្វីខ្លះ ។
Source: vannak.pheng.3
