មេបញ្ជានាវាជើងទឹកចិនលោក Liu Zhe បានឲ្យដឹងថា នាវាដឹកយន្តហោះម៉ាក Liaoning អាចធ្វើដំណើរចូលចតនៅទីក្រុងហុងកុងបាន ពីព្រោះវាជាកន្លែងល្អដ៏ប្រសើរ សម្រាប់នាវារបស់ខ្លួន។ នេះបើយោងតាមគេហទំព័រសារព័ត៌មាន sputnik បានចុះផ្សាយនាព្រឹកថ្ងៃអង្គារ ទី២៩ ខែសីហា ឆ្នាំ២០១៧។
សារព័ត៌មានទីក្រុងហុងកុង South China Morning Post រាយការណ៍ថា នាវា Liaoning ត្រូវបានចូលរួមជាសាធារណៈ នៅថ្ងៃកងទ័ពជើងទឹក និងការប្រារព្ធពិធីដ៏សំខាន់ៗផ្សេងទៀត ដូចជានៅក្នុងខែកក្កដា ថ្ងៃបុណ្យរំលឹកខួបលើកទី២០ ទីក្រុងហុងកុង ត្រូវបានប្រគល់ទៅឲ្យប្រទេសចិនវិញ។ នេះជាលើកដំបូងដែលនាវាថ្មីនេះ ត្រូវបានអនុញ្ញាតឲ្យធ្វើដំណើរទស្សនកិច្ច នៅប្រទេសហុងកុង គិតចាប់តាំងពីឆ្នាំ២០១២ នៅពេលដែលវាអាចចូលបម្រើការងារជាលើកដំបូង។
គួរបញ្ជាក់ផងដែរថា ទីក្រុងប៉េកាំង បានទិញនាវាផ្ទុកយន្តហោះសូវៀត ដែលកែច្នៃឡើងវិញក្នុងឆ្នាំ ១៩៩៨ ពីប្រទេសអ៊ុយក្រែន និងត្រូវបានជួសជុលជាច្រើនឆ្នាំ មុនពេលចូលបម្រើសេវាកម្មដល់ប្រទេសចិន៕
