រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានគម្រោងផ្លូវការនឹងចុះទៅតាមរោងចក្រ ដើម្បីស្វែងយល់បន្ថែមនូវស្ថានការណ៍ និងជីវភាពរបស់កូនក្មួយកម្មករ។ នេះបើយោងតាម អ្នកនាំពាក្យទីស្តីការគណៈរដ្ឋមន្ត្រី ឯកឧត្តម ផៃ ស៊ីផាន ដែលបានឲ្យដឹងនៅព្រឹកថ្ងៃទី០៤ ខែសីហា ឆ្នាំ២០១៧នេះ។
ឯកឧត្ដមបានឲ្យដឹងទៀតថា ការចុះជួបនេះ គឺអាចធ្វើទៅតាមលទ្ធភាពនៅរៀងរាល់ថ្ងៃអាទិត្យ ដែលអាចធ្វើទៅបាន បន្ទាប់ពីជួបជាមួយនឹងកម្មករ កម្មការិនី នៅកោះពេជ្រ ថ្ងៃទី២០ខាងមុខនេះ។ ការពង្រឹងភាពជិតស្និតរវាងសម្ដេចតេជោ និងកម្មករ បង្ហាញនូវការយកចិត្តទុកដាក់ខ្ពស់របស់សម្ដេចបន្ថែមលើវិធាន និងគោលនយោបាយគាំទ្រ និងសុវត្ថិភាពរបស់កម្មករ។
