ខេត្តសៀមរាប៖ មានរឿងពិតមួយមិនសរសើរមិនបានចំពោះ លោកតាអាយុ ៨៣ ឆ្នាំម្នាក់ រស់នៅក្នុងឃុំពាក់ស្នែង ស្រុកអង្គរជុំខេត្តសៀមរាប ដោយបានកែឆ្នៃគ្រាប់កាំភ្លើង DK75 ដែលទម្ងន់ធ្ងន់គ្រាន់បើ មកធ្វើជើងសិប្បនិមិត្តសម្រាប់ជាជំនួយក្នុងការរស់នៅគាត់អស់រយៈជាង៣០ឆ្នាំ។
ហើយអ្វីដែលធ្វើឲ្យមិត្តអ្នកអាន KQUBE គួរឲ្យចាប់អារម្មណ៍នោះ បើទោះបីជាលោកតា អាយុច្រើនរហូតដល់ជិត១០០ឆ្នាំ និងមានពិការជើងក្តី តែអ្វីៗរបស់របបលោកតាអាចប្រើប្រាស់បានដូច មនុស្សពេញវ័យដែរ ពោលគឺ ប្រពន្ធលោកតាមានផ្ទៃពោះគ្រប់ខែ ដែលនេះពិតជាស្របតាមខ្លឹមសារគេនិយាយលេងសើចដែលលើកឡើងថា " ចាស់ៗឈរជុំវិញខ្ញុំនេះត្រូវជាចៅៗ ហើយអាក្អូនតូចកំពុងបៅដោះនិងមួយក្នុងពោះជិតគ្រប់ខែនោះ ត្រូវជាកូន!"។ នេះបើតាម ហ្វេសប៊ុកឈ្មោះ Heng Ratana។
បើយោងតាមហ្វេសប៊ុកខាងលើ ដែលត្រូវបានគេស្គាល់ថា ជារបស់ ឯកឧត្ដម ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា បញ្ជាក់យ៉ាងដូច្នេះថា៖ លោកតា សឹម ហ៊ុត អាយុ ៨៣ឆ្នាំ (២០១៧) ពិតជាជើងខ្លាំងមែន (និយាយលេងសើច!) ដោយសំអាងលើមូលដ្ឋានសំខាន់ចំនួន ២គឺ៖
១- រយៈពេលជាង៣៣ឆ្នាំ លោកតាសឹម ហ៊ុត ប្រើសំបកគ្រាប់កាំភ្លើងប្រភេទDK75 សម្រាប់ប្រើប្រាស់ជាជើងសិប្បនិមិត្ត ហើយរយះពេល៣៣ឆ្នាំនេះ លោកតាប្រើសំបកគ្រាប់DK75នេះ អស់ចំនួន៧គ្រាប់ ដើម្បីឆ្នៃប្រឌិតធ្វើជើងសិប្បនិមិត្តសម្រាប់គាត់ប្រើតជើងពិការនោះ!
លើលោកនេះប្រហែលជាគ្មានជនពិការជើងណាយកសំបកគ្រាប់មានទំងន់ធ្ងន់បែបនេះមកធ្វើជើងសិប្បនិមិត្តទេ!! ពិតជាជើងខ្លាំងមែន! សុំបញ្ជាក់ថា លោកតាធ្លាក់ខ្លួនពិការជើងឆ្វេងក្រោមជង្គង់ តាំងពីឆ្នាំ១៩៨៣ ដោយសារដើរជាន់គ្រាប់មីនប្រភេទ ៧២ (ផលិតនៅប្រទេសចិន) ដែលក្នុងស្ថិតក្នុងភូមិសាស្ត្រឃុំពាក់ស្នែង ស្រុកអង្គរជុំ ខេត្តសៀមរាប ហើយគាត់កំពុងរស់នៅទីនេះដដែល! រូបគាត់បានទទួលជើងសិប្បនិមិត្តថ្មីតាមក្តីសុបិន្តរបស់គាត់ហើយ!!
២- ជើងខ្លាំងមួយទៀត ពេលសួរលោកតាអំពីគ្រួសារនោះ ពិតជាដូចរឿងដំណាលសើចលេងមែនតែនេះជារឿងពិតដោយលើកឡើងថា "ចាស់ៗឈរជុំវិញខ្ញុំនេះត្រូវជាចៅៗ ហើយអាតូចកំពុងបៅដោះនិងក្នុងពោះជិតគ្រប់ខែនោះ ត្រូវជាកូន"! នេះជារឿងពិត លោកតាអាយុ៨៣ឆ្នាំនៅអាចមានកូនតូចៗទៀត!៕
