បាត់ដំបងៈ ទារិកាទើបតែអាយុមួយខួប បានស្លាប់យ៉ាងព្រៃផ្សៃបំផុត ក្រោយពីម្ដាយចិត្តខ្មៅយកទៅបោកនឹងក្ដារផ្ទះ។
ករណីម្ដាយចិត្តខ្មៅបោកកូនស្លាប់ខាងលើនេះ បង្កការភ្ញាក់ផ្អើលកាលពីវេលាម៉ោង៦និង៣០នាទីយប់ថ្ងៃទី១២ កញ្ញា ២០១៧ ចំណុចអណ្តូងពីរ ស្ថិតក្នុងភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង។
សមត្ថកិច្ច បានឲ្យដឹងថា ម្តាយចិត្តខ្មៅរូបនេះ ឈ្មោះ តិ សុខឃី អាយុ៣៤ឆ្នាំ ជាស្រ្តីមេម៉ាយ រស់នៅភូមិ ឃុំកើតហេតុខាងលើ និងជាមនុស្សសរសៃប្រសាទ បានចាប់កូនស្រីខ្លួនឯងអាយុ១ខួប ឈ្មោះ ណាល់ ស្រីពេជ្រ បោកនឹងក្តារផ្ទះ បណ្តាលឲ្យស្លាប់យ៉ាងអាណោចអាធ័ម។
ក្រោយកើតហេតុប្រជាពលរដ្ឋបានមករាយការណ៍ឲ្យសមត្ថកិច្ច ចុះទៅឃាត់ខ្លួនស្រ្តីជាម្ដាយ ដើម្បីយកមកសាកសួរ និងកសាងសំណំរឿង បញ្ជូនទៅសាលាដំបូងខេត្តបាត់ដំបងចាត់ការតាមនីតិវិធិច្បាប់៕
