ដោយ ៖ #CAM_POST
ភ្នំពេញ៖ នៅឱកាសបុណ្យភ្ជុំបិណ្ឌ ក្តីសង្វេកហាក់លេចឡើងចំពោះ អតីតតារាចម្រៀង អ្នកនាង អ៊ុំ គន្ធា ដែលកំពុងរស់នៅជាមួយនឹងការយាយ៉ីពីជំងឺប្រចាំកាយដ៏កាចសាហាវ តែនៅមានចិត្តអន្ទះសារចង់ធ្វើចង្ហាន់ទៅដាក់បិណ្ឌប្រគេនព្រះសង្ឃនៅវត្ត។
អតីតតារាចំរៀងអ្នកនាង អ៊ុំ គន្ធារ ដែលមានផ្ទុកជំងឺអេដស៍ ស្រែកយំថាអត់មានលុយទៅភ្ជុំបិណ្ឌ តែពេលនេះត្រូវបានទទួលអំណោយហើយពីមូនិធិចាស់ជរាតាមរយៈ សមាគមសិល្បករខ្មែរ ចំនួន៣០០$ ។ វត្តមានសិល្បករចូលរួមមាន អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ , លោក ឧកញ៉ាឃ្លោក , លោក អុឹម ជីវ៉ា លោក គន់រៀមរតនៈ ,លោកស្រីវណ្ណថុន , លោកស្រវណ្ណា ។
សូមបញ្ជាក់ផងដែរថាអ្នកនាង អ៊ុំ គន្ធា ផ្ទុកមេរោគអេដស៍នេះរយៈពេល១៤ឆ្នាំហើយ ហើយអាជីពសិល្បៈត្រូវបានបញ្ចប់ដោយសារតែអ្នកនងកើតរោគមួយនេះ ត្រូវបានមនុស្សមួយចំនួនរើសអើង បើទោះបីអ្នកនាងដើសុំគេច្រៀងតាមហាងក៏ដោយក៏គេបដិសេដមិនទទួលយកច្រៀងឡើយ អ្នកនាងអ៊ុំគន្ធារ ក៏មានកូនប្រុសម្នាក់ក៏ផ្ទកមេរោគអេដស៍ដែរពេលនេះកូនរប់អ្នកនាងមានអាយុ១៤ឆ្នាំហើយ ។
អតីតតារាចំរៀងដែលមានផ្ទុកមេរោគអេដស៍រូបនេះមានអាស័យដ្ឋាន ភូមិ វិមានទ្រុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ដោយរស់នៅជាមួយកូន២នាក់ ដែលជាផ្ទះរបស់បងស្រីអ្នកនាង អ៊ុំ គន្ធារ ។
ប្រសិនបើមជ្ឈដ្ឋានចាប់អារម្មណ៍ចង់ជួយដល់អតីតតារាចម្រៀងអភ័ព្ទរូបនេះអាចផ្តល់អំណោយតាមរយៈសមាគមចន ច័ន្ទលក្ខិណាឬលោកអុឹម ជីវ៉ាជាដើម។
