មេបញ្ជាការកងទ័ពជើងទឹកអាមេរិក បានបាញ់សាកល្បងប្រព័ន្ធកាំជ្រួចមីស៊ីល (HIMARS) ចេញពីនាវាដឹកជញ្ជូន USS Anchorage ដែលជានាវាល្បាត នៅមហាសមុទ្រប៉ាស៊ីហ្វិក។ នេះបើយោងតាមគេហទំព័រសារព័ត៌មាន Sputnik បានចេញផ្សាយនាព្រឹកថ្ងៃសុក្រ ទី២៧ ខែតុលា ឆ្នាំ២០១៧។
មេបញ្ជាការកងទ័ពជើងទឹកអាមេរិក លោក Cathal S. O’Connorបាននិយាយថា ការធ្វើតេស្តខាងលើនេះ នៅពេលធើ្វសមយុទ្ធយោធាជើងទឹក Dawn Blitz នៅលើកោះមួយ ដែលមានចម្ងាយប្រហែល ៧០គីឡូម៉ែត្រ ពីសមុទ្រប៉ាស៊ីហ្វិក។ លោក បានបន្តទៀតថា “HIMARS គឺប្រព័ន្ធមីស៊ីល វាយប្រហារចំគោលដៅ រយៈចម្ងាយមធ្យម និងសម្រាប់ការការពារ នឹងមិនមានគំនិតអ្វីផ្សេងទៀត”។
គួរបញ្ជាក់ផងដែរថា កាលពីខែកញ្ញា មេបញ្ជាការជាន់ខ្ពស់កងទ័ពជើងទឹកអាមេរិក លោក Robert Neller បាននិយាយថា ប្រព័ន្ធមីស៊ីល HIMARS ជាអាវុធសេរីទំនើប និងជាប្រព័ន្ធការពារ ដែលជួយសម្រួលការងារជាច្រើនរបស់កងម៉ារីនសហរដ្ឋអាមេរិក៕
