កណ្ដាលៈ តើប្ដីឯណាទ្រាំបាន ពេលឃើញប្រពន្ធ ដែលធ្លាប់ឱបនឹងទ្រូង បាននាំប្រុសស្នេហ៍ទៅរួមមេត្រីក្នុងផ្ទះសំណាក់ ធ្វើឲ្យប្ដីទប់កំហឹងមិនបាន ក៏សម្រេចចិត្ត ប្ដឹងសមត្ថកិច្ចឲ្យឃាត់ជាក់ស្ដែង កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី១០ ខែតុលា ឆ្នាំ២០១៧ ចំណុចផ្ទះសំណាក់យីហោ “ឧត្តុងមហាហេង” ភូមិចតុទិស ឃុំវិហារលួង ស្រុកពញាឮ ខេត្តកណ្តាល ។
សមត្ថកិច្ច បានឲ្យដឹងថា បុរសជាប្ដី ឈ្មោះ យូ សអាត ភេទប្រុស អាយុ៣៤ឆ្នាំ ជនជាតិខ្មែរឥស្លាម មុខរបរ ជាងធ្មេញ រស់នៅភូមិឃ្នង ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង។ ប្រពន្ធឈ្មោះ ជុំ សង់ទី អាយុ៣០ឆ្នាំ ជនជាតិខ្មែរឥស្លាម ។ ចំណែកប្រុសស្នេហ៍ឈ្មោះ សេត អះម៉ាត់ ភេទប្រុស អាយុ៣៤ឆ្នាំ ជនជាតិខ្មែរ៌ស្លាម មុខរបរលក់គុយទាវ មានទីលំនៅភូមិព្រៃនីស ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ។
បើតាមការរៀបរាប់ពីបុរសជាប្ដី បានឲ្យដឹងថា នៅក្នុងអំឡុងឆ្នាំ២០០២ គាត់និងប្រពន្ធ បានរៀងការ ដោយបានចុះអាតាស៊ីវិលត្រឹមត្រូវ ហើយរួមរស់ជាមួយគ្នា បានកូនស្រីពីរនាក់។
បុរសជាប្ដីបន្តថា នៅដើមឆ្នាំ២០១៦ គាត់មានការសង្ស័យប្រពន្ធរបស់គាត់ មានចិត្តផិតក្បត់ស្នេហាជាមួយបុរសឈ្មោះ សេត អះម៉ាត់ ហើយក៏បានតាមដានប្រពន្ធគាត់ រហូតដល់ថ្ងៃខែកើតហេតុខាង គាត់បានបាត់ប្រពន្ធពីផ្ទះ ក៏បានតាមដាន ស្រាប់តែរកឃើញនៅផ្ទះសំណាក់យីហោ “ឧត្តុងមហាហេង” រួចគាត់ក៏បានមកប្តឹងផ្ទាល់មាត់សមត្ថកិច្ចនគរបាលប៉ុស្តិ៍វិហារលួង ឲ្យជួយអន្តរាគមន៍ ភ្លាមនោះ សមត្ថកិច្ច បានចុះមកនាំខ្លួនប្រពន្ធគាន់ និងប្រុសស្នេហ៍ បញ្ជូនមកអធិការដ្នាននគរបាលស្រុកពញាឮ ដើម្បីសាកសួរ។
ក្រោយពីសាកសួរអ្នកទាំងពីរនាក់ បានឆ្លើយសារភាពថា ខ្លួនទាំងពីរនាក់ពិតជាបានលួចលាក់ស្រលាញ់គ្នា ព្រមទាំងបានរួមភេទជាមួយគ្នាទៀតផង។ បច្ចុប្បន្នកម្លាំងជំនាញ អ្នកទាំងពីរ ត្រូវបានសមត្ថកិច្ចកសាងសំណុំរឿង ដើម្បីចាត់ការបន្ត៕
