រាជធានីភ្នំពេញ៖ កម្មករផ្នែកកាត់ដេរ និងផលិតស្បែកជើង នឹងទទួលបានប្រាក់ខែអប្បបរមា សម្រាប់ឆ្នាំ២០១៨ខាងមុខនេះ ក្នុង១ខែ ១៧០ដុល្លារ ហើយបូកនឹងប្រាក់អត្ថប្រយោជន៍ផ្សេងៗអាចនឹងទទួល ១៨៧ ទៅ១៩៨ដុល្លារ ក្នុង១ខែ។ នេះបើយោងតាមលោក ហេង សួរ អ្នកនាំពាក្យក្រសួងការងារបានឲ្យដឹងនៅមុននេះ។
កិច្ចប្រជុំគណៈកម្មការប្រឹក្សាការងារ ដែលដឹកនាំដោយ លោក អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ។ រូបថត Sak Uttara
បើយោងតាមការសម្រេចរបស់គណៈកម្មការប្រឹក្សារការងារដែលប្រជុំនៅរសៀលថ្ងៃទី៥ ខែតុលា ឆ្នាំ២០១៧នេះ ដែលមានត្រីភាគីចូលរួមនោះបានសម្រេចឯកច្ឆ័នត្រឹម ១៦៥ ដុល្លារប៉ុណ្ណោះ ប៉ុន្តែ ប្រមុខរាជរដ្ឋាភិបាលកម្ពុជាបានសម្រេចផ្តល់៥ដុល្លារបន្ថែម ដូច្នេះ ប្រាក់ខែកម្មករកម្មារិនី នឹងទទួលបានចាប់ពីថ្ងៃទី១ មករា ឆ្នាំ២០១៨តទៅ ចំនួន១៧០ដុល្លារក្នុង១ខែ។
សូមរំលឹកផងដែរថា បច្ចុប្បន្ន ប្រាក់ឈ្នួលរបស់កម្មករ-កម្មការិនីរផ្នែកកាត់ដេរ និងផលិតស្បែកជើង អប្បបរមា ១៥៣ដុល្លារប៉ុណ្ណោះ ក្នុង១ខែ៕
