ភ្នំពេញៈ ស្រ្តីពិការម្នាក់ បានយកញត្តិមកដាក់នៅខុទ្ទកាល័យសម្ដេចតេជោ ដើម្បីសុំឲ្យសម្ដេចជួយអន្តរាគមន៍ បញ្ហាដីស្រែរបស់គាត់។
ស្រ្តីម្នាក់ ឈ្មោះ ជឹម គុន (ពិការ) ពីស្រុកកណ្ដាលស្ទឹង ខេត្តកណ្ដាល កាលពីម៉ោង៩៖១៥នាទីព្រឹកថ្ងៃទី៣០ វិច្ឆិកា ២០១៧ បានយកញត្តិមកដាក់នៅខុទ្ទកាល័យសម្ដេចតេ ស្ថិតនៅមុខវត្តបទុម ផ្លូវស៊ូស្រ៊ុន សង្កាត់ចតុមុខ ខណ្ឌដូនពេញ។
បើតាមស្រ្តីពិការខាងលើ បានឲ្យដឹងថា ក្នុងញត្តិខាងលើនេះ គឺអ្នកស្រ្តីសុំឲ្យសម្ដេចតេជោអន្តរាគមន៍ជួយទប់ស្កាត់ ហាមឃាត់មន្ត្រីជំនាញសុរិយោដីខេត្តកណ្ដាល កុំឲ្យចេញវិញ្ញាបនប័ត្រសម្គាល់ម្ចាស់អចលនវត្ថុកាន់កាប់ដីស្រែភោគៈរបស់គាត់ទំហំ ៥០០ម x ៤៥ម នៅភូមិតាដោល ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល ទៅឲ្យឈ្មោះ ភឿន ពូ, ភឿន ទុំ និងតតីយជនផ្សេងទៀត។
បន្ទាប់ពីស្រ្តីខាងលើយកញត្តិទៅដាក់ បន្តិចក្រោយមកនៅម៉ោង៩៖៣៥នាទី គេសង្កេតឃើញមានតំណាងខុទ្ទកាល័យសម្ដេចតេជោ ចេញទទួលញត្តិ រួចឲ្យគាត់ត្រលប់ទៅវិញ៕
