នៅថ្ងៃទី២៨ ខែវិច្ឆិកា ឆ្នាំ២០១៧ គណៈកម្មាធិការជាតិរៀបចំការបោះឆ្នោត គ.ជ.ប បានសម្រេចបែងចែកអាសនៈចំនួន១១ ដែលគណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ មិនទទួលយក ទៅឲ្យគណបក្សប្រជាជនកម្ពុជា ធ្វើឱ្យគណបក្សកាន់អំណាចកើនពីអាសនៈ៦៨ ទៅ ៧៩។
បញ្ជីឈ្មោះបេក្ខជនតំណាងរាស្រ្តថ្មីទាំង១១រូប បែងចែកជា៥មណ្ឌល ត្រូវបាន គ.ជ.ប បញ្ជូនទៅដល់រដ្ឋសភា នៅល្ងាចថ្ងៃទី២៨ ខែវិច្ឆិកា ។
គួររំលឹកថា អាសនៈ៥៥របស់អតីគណបក្សសង្គ្រោះជាតិដែលប្រជាពលរដ្ឋបានបោះឆ្នោតគាំទ្រកាលពីឆ្នាំ២០១៣ ត្រូវបានគណៈកម្មាធិការជាតិរៀបចំការបោះឆ្នោតបែងចែកទៅឱ្យគណបក្ស៥។
គណបក្សហ៊្វុនស៊ិនប៉ិច ទទួលបាន ៤១អាសនៈ
គណបក្សសម្ព័ន្ធដើម្បីប្រជាធិបតេយ្យ ៦អាសនៈ
គណបក្សខ្មែរឈប់ក្រ ៥អាសនៈ
គណបក្សសញ្ជាតិកម្ពុជាទទួលបាន ២អាសនៈ
និងគណបក្សខ្មែរអភិវឌ្ឍន៍សេដ្ឋកិច្ច ១អាសនៈ។
