ភ្នំពេញៈ តារាសម្តែង និងកំប្លែង យេរ យេរ កំពុងមានទីផ្សារបានប្រឹងប្រមូលលុយកាក់មួយចំនួនទៅវះកាត់ដើមទ្រូងឲ្យទៅជាមនុស្សស្រី។ មហាជនមានការលើកឡើងថា យេរយេរបង្ហាញការប្រើម្ជុលវះកាត់នេះ ដើម្បីបំពេញចិត្តម្ចាស់ស្នេហ៍។
តារាសម្តែងភេទទី៣ យេរយេរ បានឲ្យដឹងថា នាងបានវះកាត់ដើមទ្រូងបានរយៈពេលជាង១០ថ្ងៃមកហើយ ដោយចំណាយប្រាក់ផ្ទាល់ខ្លួន។ នាងអះអាងទៀតថា ការសម្រេចវះកាត់ពង្រីកដើមទ្រូង ឬឡើងប៉ុងនេះ ធ្វើនៅប្រទេសថៃ ហើយដើម្បីរក្សាបានសភាពល្អ ខណៈពេលនេះនៅឈឺមុខម្ជុល នាងមិនហ៊ានហូបចំណីផ្តេសផ្តាស់ឡើយ។ នាងថា ចំពោះការលើកឡើងមានគូស្នេហ៍ហើយកែដើមទ្រូង ដើម្បីអ្នកស្រឡាញ់ ទុកឲ្យគេថាទៅ ជាសិទ្ធិគេ ដោយនាងព្រមកែក៏ព្រោះតែចិត្តគំនិតយើងជាស្រីហើយចង់ឲ្យមានភាពសិចស៊ីបង្ហាញការទាក់ទាញ។
យេរ យេរ មានឈ្មោះដើម ឃ្លោក មករា មុនល្បីនាងតស៊ូខ្លាំងលើវិស័យសិល្បៈ។ នាងក៏ជាសមាជិកក្រុមកំប្លែងប្រចាំក្លិបជីអិល ហើយក៏បានបង្ហាញវត្តមាននៅលើវេទិកាសិល្បៈជាច្រើនរបស់ស្ថានីយទូរទស្សន៍រហូតមហាជនសរសើរពីភាពពូកែក្លែមពាក្យពេចន៍ពេលសម្តែងម្ដងៗ៕
