ភ្នំពេញៈ នារីម្នាក់ ត្រូវបានប្រជាពលរដ្ឋប្រទះឃើញដេកស្លាប់ក្នុងទឹកបឹងកំប្លោកទាំងសភាពអាក្រាតកាយ បង្កការភ្ញាក់ផ្អើលកាលពីល្ងាចថ្ងៃសុក្រ ៥កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២២ ខែធ្នូ ឆ្នាំ២០១៧ នៅចំណុចផ្លូវរទេះភ្លើង ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ក្រោយពីទទួលបានព័ត៌មានភ្លាម កម្លាំងនគរបាលមូលដ្ឋានបានចុះទៅដល់កន្លែងកើតហេតុ ហើយបានប្រាប់ថា នារីរងគ្រោះឈ្មោះ ម៉ុង ឈុនសុីវត្ថា អាយុជាង២៨ឆ្នាំ មុខរបរបត់ក្រដាស់ធៀបការ ស្នាក់នៅភូមិបុរី១០០ខ្នង់ សង្កាត់ទឹកថ្លា ខណ្ឌសែនសុខ។
ពាក់ព័ន្ធករណីនេះ ក្រោយធ្វើកោសល្យវិច័យរួច សមត្ថកិច្ចបានសន្និដ្ឋានថា ស្រ្តីរងគ្រោះត្រូវបានឃាតករំលោភរួចសម្លាប់បំបិទមាត់ ព្រោះសាកសពស្លាប់ទាំងអាក្រាតកាយ។
បច្ចុប្បន្ន សមត្ថកិច្ចបានយកសាកសពទៅតម្កល់នៅវត្តទឹកថ្លា រង់ចាំសាច់ញាតិមកទទួលយកទៅធ្វើបុណ្យតាមប្រពៃ និងបន្តស្រាវជ្រាវរកមុខឃាតកមកផ្តន្ទាទោសតាមច្បាប់៕
