នាយប់ថ្ងៃទី១៣ វិច្ឆិកា នេះ នៅលើគណនីហ្វេសប៊ុក លោក ផែង វណ្ណៈ មានការប្រតិកម្មយ៉ាងខ្លាំងទៅលើមន្រ្តីអសកម្ម ការងារ និងតួនាទីរបស់ខ្លួន ហើយយកតួនាទីភារកិច្ចដើរដាក់ខែយកលុយ បង្កឲ្យមានជាល្បែងស៊ីសង ដោយមន្ត្រីទាំងនោះមិនដឹង មិនឮ តែបែរជាប្រជាពលរដ្ឋដឹងឮទៅវិញ ។
ក្នុងនោះលោកបានរៀបរាប់ចោទសួរថា ៖
សួរដូចឆោត តើពួកអាឆ្កែយកតួនាទីភារកិច្ចដើរដាក់ខែល្បែងស៊ីសងគ្រប់កន្លែងរាល់ថ្ងៃវាមានដែលមើលមហាជនជេរវាទេ បានវាមិនព្រមធ្វើសោះអញ្ចឹង ។ ល្បែងគ្រប់ល្បែង សូម្បីតែក្នុងផ្សារក៏សំបូរដែរ មិនដឹងថាសន្តិសុខផ្សារ ឬ ប្រធានផ្សារដឹងឬអត់ទេ ?
បន្ទាប់ពីមានជាសំនួរខាងលើមក លោកក៍បាន Live វីដេអូនិយាយផងដែរ៖
នាយប់ថ្ងៃដដែរនេះ លោកក៍បានលើកពីការខិតខំប្រឹងប្រែង របស់ថ្នាក់ដឹកនាំ គឺ សម្ដេច ហ៊ុន សែន នាយករដ្ឋមន្ត្រីកម្ពុជា ផងដែរ ដោយថា ៖
ឃើញរូបថតនេះខ្ញុំពិតជារំជួលចិត្តអាណិតសម្ដេចតេជោ ហ៊ុន សែន ណាស់ សម្ដេចខំគ្រប់បែបយ៉ាងរកពេលសំរាកស្ទើរតែមិនបាន ។ បើគ្មានមន្ត្រីថោកទាបមួយចំនួនបង្កើតរឿងអយុត្តិធម៌ធ្វើបាបប្រជាពលរដ្ឋស្លូតត្រង់ ម្ល៉េះសម្ដេចតេជោ មិនពិបាកដល់ថ្នាក់នេះទេ ។
ឥលូវនេះ សូម្បីតែល្បែងស៊ីសងរីករាលដាលពេញរាជធានីភ្នំពេញ ក៏ពួកមន្ត្រីពាក់ផ្កាយពេញស្មារពូកែខាងអួតស្រីមិនខ្ចីបើកភ្នែកមើលដែរ ។ ប្រហែលជាពួកមន្ត្រីផ្កាយបី ផ្កាយបួនអស់នោះ រងចាំសម្ដេចតេជោ ចុះទៅបង្ក្រាបល្បែងស៊ីសងជំនួសទៀតហើយមើលទៅ ។
