អ្នកស្រី ហ៊ុន វណ្ណវឌ្ឍនា ហៅ លីន អាយុ៣៦ឆ្នាំ ត្រូវជាកូនស្រីបង្កើតរបស់នាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ និងត្រូវជាកូនប្រសារសពសម្តេចពោធិ៍សាល ជា ស៊ីមបានទទួលមរណភាពកាលពីនៅវេលាម៉ោង១២ និង៣០នាទី រសៀលថ្ងៃទី២៧ ខែមករា ឆ្នាំ២០១៨ នៅមន្ទីរពេទ្យ Raffle ប្រទេសសឹង្ហបុរី ដោយរោគាពាធ។
តាមប្រសាសន៍របស់ នាយឧត្តមសេនីយ៍ ជួន សុវណ្ណ បានឲ្យដឹងថាកូនស្រីរបស់លោកបានទទួលមរណភាព ដោយសារតែរោគាពាធ។
ការទទួលមរណភាពរបស់អ្នកស្រី ហ៊ុន វណ្ណវឌ្ឍនា បានបន្សល់ទុកកូនតូចៗចំនួន៣នាក់ ស្រី២នាក់ និហប្រុស១នាក់ ឲ្យនៅកំព្រាម្តាយ។
អ្នកស្រី ហ៊ុន វណ្ណវឌ្ឍនា ហៅលីន បានរៀបអាពាហ៍ពិពាហ៍ជាមួយលោកឧត្តមសេនីយ៍ទោ នៃនគរបាលជាតិ ជា ថា ដែលជាកូនប្រុសសពសម្តេចពោធិ៍សាល ជា ស៊ីម អតីតប្រធានព្រឹទ្ធសភា និងប្រធានគណបក្សប្រជាជនកម្ពុជា ហើយបានបន្សល់ទុកចំណងដៃកូន៣នាក់ ស្រី២នាក់និងប្រុសម្នាក់។
