កំពង់ស្ពឺៈ បុរសម្នាក់ បានសម្រេចចិត្តបញ្ចប់ជីវិតខ្លួនឯង បង្កឲ្យមានភ្ញាក់ផ្អើលកាលពីម៉ោង៦ល្ងាចថ្ងៃអង្គារ ៨រោច ខែបុស្ស ឆ្នាំរកា ពុទ្ធសករាជ ២៥៦១ ត្រូវនឹងថ្ងៃទី៩ មករា ២០១៨ ។
ជនធ្វើអត្តឃាត ដោយផឹកថ្នាំបំពុលសត្វល្អិត ឈ្មោះ សួង រដ្ឋា ហៅរ័ត្ន ភេទប្រុស អាយុ៣៦ ឆ្នាំ មានទីលំនៅភូមិ ត្រពាំងមាន ឃុំស្នំក្រពើ ស្រុកគងពិសី ខេត្ត កំពង់ស្ពឺ ។
បើតាមការបញ្ជាក់ពីក្រុមគ្រួសារ បានឲ្យដឹងថា មូលហេតុ ដែលធ្វើឲ្យជនរងគ្រោះធ្វើអត្តបញ្ចប់ជីវិតខ្លួននោះ គឺមកពីម្ដាយបង្កើតស្ដីបន្ទោសសម្ដីធ្ងន់ៗពេក៕
