Tuesday, March 13, 2018

អាចារ្យធំ៖ ឡាវ សម្រេចដាក់បញ្ចូល ចង្វាក់រាំវង់ ក្នុងបញ្ជីបេតិកភណ្ឌពិភពលោក ខណៈទំពាំងខ្មែរកំពុងនាំគ្នាឆ្កួតនឹងចង្វាក់ បែកស្លុយពេញប្រទេស

អាម៉ាប៉ាប៉ាញ៉ូស

អាចារ្យធំ ដែលត្រូវបានមហាជនតែងតែស្គាល់រូបលោកថា ជាសិល្បករម្នាក់ ស្រលាញ់ជាតិ និងថែរក្សាវប្បធម៌ខ្មែរ ហើយលោកបានខិតខំប្រឹងប្រែ ក៍ដូចជាប្រតិកម្មនឹងរឿងដែលប្រាសចាកនឹងវប្បធម៌ ដ៍ផូរផង់របស់ខ្មែរ គឺដើម្បីឲ្យបងប្អូនងាកមកចូលរួមថែរក្សាកេរ្តិ៍ដំណែលពីដូនតាបន្សល់ទុកឲ្យ។

អ្វីដែលគួរឲ្យភ្ញាក់ផ្អើលនោះគឺ ថ្មីៗនេះ យោងតាម​ការ​ចុះ​ផ្សាយ​លើ​ទំព័រ​សារព័ត៌មាន Laotian Times បាន​ឲ្យ​ដឹង​ថា ប្រទេស​ឡាវ នឹងស្នើដាក់​បញ្ចូល​របាំ​ប្រពៃណី​ដ៏​ល្បី​ឈ្មោះ​មួយ ទៅ​ក្នុង​បញ្ជី​សម្បត្តិ​បេតិកភណ្ឌ​ពិភពលោក​របស់​អង្គការ UNESCO ។

ក្រោយពីព័ត៌មាននេះត្រូវបានផ្សាយ អាចារ្យធំ បានសរសេរនៅក្នុងសង្គមតាមរយៈគណនីរបស់លោកផ្ទាល់ ហាក់មិនពេញចិត្តនូវទង្វើរបស់កូនខ្មែរមួយចំនួន ដោយប្រតិកម្មខ្លាំងៗថា៖

ឡាវ សម្រេចដាក់បញ្ចូល ចង្វាក់រាំវង់ ក្នុងបញ្ជីបេតិកភណ្ឌពិភពលោក ខណៈទំពាំងខ្មែរ កំពុងនាំគ្នាឆ្កួតនឹងចង្វាក់ បែកស្លុយ ។

លោកបន្ថែមទៀតថា ខំទៀតណាកូនពុក ជិតរលាយហើយ។

របាំ​នេះ​មាន​ឈ្មោះ​ថា «ឡាំវង់» នៅ​ក្នុង​ភាសា​ឡាវ ដែល​ប្រជាជន​កម្ពុជា និង​ថៃ ហៅ​ថា «រាំ​វង់» ទោះបីចង្វាក់រាំវង់ គ្មាន​ឯកសារ​ណា​បញ្ជាក់​ច្បាស់​ថា ចង្វាក់​មួយ​នេះ មាន​លក្ខណៈ​ខុស​គ្នា​ទៅ​តាម​ប្រទេស​ទាំង៣ ឬ​យ៉ាង​ណា​នោះ​ទេ ប៉ុន្តែ​បើ​មើល​លើ​ចង្វាក់​រាំ​របស់​ឡាវ ដូច​គ្នា​នឹង​កម្ពុជា​តែ​ម្ដង។ នៅ​ក្នុង​សៀវភៅ ទស្សនីយភាព​ខ្មែរ ដោយ​សំអាង​លើ​រូប​ចម្លាក់​នៃ​ជញ្ជាំង​ប្រាសាទ​បាយ័ន​អាច​សន្និដ្ឋាន​ថា ចង្វាក់​រាំវង់ មាន​ប្រភព​នៅ​កម្ពុជា​រាប់​ពាន់​ឆ្នាំ​មក​ហើយ។

សូមជម្រាបជូនថា សារព័ត៌មាន Laotian Times បាន​ឲ្យ​ដឹង​ថា កាល​ពី​ថ្ងៃ​ទី៩ ខែ​មីនា កន្លង​ទៅ កិច្ច​ប្រជុំ​មួយ​ដែល​ដឹក​នាំ​ដោយ​លោក Bouangern Xaphouvong ដែល​ជា​អនុ​រដ្ឋមន្ត្រី​ក្រសួង​ព័ត៌មាន វប្បធម៌ និង​ទេសចរណ៍ បាន​អនុញ្ញាត​ឲ្យ​វិស័យ​ពាក់ព័ន្ធ​ពិភាក្សា​លើ​ការ​ស្នើ​ដាក់​បញ្ចូល​ចង្វាក់​រាំ​ដ៏​ល្បី​ឈ្មោះ​មួយ​របស់​ប្រទេស​ឡាវ គឺ​ចង្វាក់ Lamvong ដែល​កម្ពុជា និង​ថៃ​ហៅ​ថា Romvong ឯ​ថៃ​ហៅ​ថា Ramwong ទៅ​ក្នុង​បញ្ជី​សម្បត្តិ​បេតិកភណ្ឌ​អរូបិយ​របស់​មនុស្ស​ជាតិ ក្នុង​បញ្ជី​អង្គការ UNESCO។

វីដេអូ​ចង្វាក់​ឡាំ​វង់​របស់​ប្រជាជន​ឡាវ៖

វីដេអូ​ចង្វាក់​រាំវង់​របស់​ប្រជាជន​ខ្មែរ៖

វីដេអូ​ចង្វាក់ Ramwong ថៃ៖

@Amapapa.News