Loading...

Sunday, March 18, 2018

ព័ត៌មានបន្ថែម ពាក់ព័ន្ធករណីកាប់ចិញ្ច្រាំស្រ្តីម្នាក់ ញាត់សព​ចូលធុងទឹកកក និងមូលហេតុដែលឈានដល់អំពើព្រៃផ្សៃនេះ

អាម៉ាប៉ាប៉ាញ៉ូស

កណ្ដាល៖ គិត​មក​ត្រឹម​ម៉ោង​​ជា​ង​៥​ល្ងាច​ ថ្ងៃទី​ ១៨ ខែមីនា ឆ្នាំ​២០១៨ នេះ សមត្ថកិច្ចបានឃាត់ខ្លួនជនសង្ស័យ​ចំនួន៣​រូប ​ពាក់​ព័ន្ធ​ករណី​សម្លាប់​នារី​​ម្នាក់ ញាត់​ចូល​ក្នុង​ធុង​ទឹក​កក​​យ៉ាង​សាហាវព្រៃផ្សៃ​នេះ។

បើតាមសេចក្តី​រាយការណ៍​ពីសត្ថកិច្ច ជនដៃដល់​​មានឈ្មោះ សឿ សុផេង ភេទ​ប្រុស អាយុ​៣១​ឆ្នាំ ស្នាក់​នៅ​ផ្ទះ​ជួល​ផ្ទះ​លេខ​៣៣​ ផ្លូវ​សហព័ន្ធ​រុ​ស្សី ស្ថិត​ក្នុង​​ភូមិ​ស្លែង​រលើង សង្កាត់​អូរ​បែក​ក្អម ខណ្ឌ​សែន​សុខ ​ស្រុក​កំណើត​នៅ​ឃុំ​ព្រៃឈរ​ ស្រុក​ព្រៃឈរ​ ខេត្តកំពង់ចាម ប្រពន្ធ​ជន​សង្ស័យ ​ឈ្មោះ ឌី អាយុ​២៥ ឆ្នាំ​ (សមគំនិត) និង​ប្អូន​ប្រុស​ជនដៃ​ដល់​ឈ្មោះ សឿ ចាន់​អូន (សមគំនិត) ។

ការឃាត់ខ្លួននេះធ្វើឡើងក្រោយ ជនសង្ស័យ​ដែល​ត្រូវ​ជា​ប្អូន​​របស់​ជនដៃដល់​ បាន​យក​ម៉ូតូ​ម៉ាក​ ZOOMMER របស់​នារី​រងគ្រោះ​ទៅ​លក់​ ។

បើតាមការឲ្យដឹងជំហានដំបូងពីសមត្ថកិច្ច ជនដៃដល់ និង ជនរងគ្រោះ ជាមិត្តភ័ក្តិនឹងគ្នា រាប់អានគ្នាមក7-8 ឆ្នាំហើយ ដោយសារជនដៃដល់ចាញ់ល្បែង ទើបបែកគំនិតសំលាប់ជនរងគ្រោះដែលជាមិត្តយកទ្រព្យសម្បត្តិតែម្ដង។

នៅក្នុងវិដេអូ ដែលសមត្ថកិច្ចធ្វើការសួរនាំជនសង្ស័យនៅក្នុងរថយន្ត ខណៈពេលកំពុងបញ្ជូនទៅកន្លែងសមត្ថកិច្ច កាលពីថ្ងៃអាទិត្យ ២កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៨ ខែមីនាម្សិលមិញនោះ ជនសង្ស័យបានអះអាងថា ខ្លួនមានជំពាក់បំណុលគេច្រើនសរុបជិត២០០០ដុល្លារ ដោយសារល្បែង(បាល់ការ៉ាត់)។ ជនសង្ស័យអះអាងថា បានស្គាល់នាងរងគ្រោះជិត៣ឆ្នាំមកហើយ។

សូមស្ដាប់ចម្លើយសារភាពរបស់ជនសង្ស័យជាឃាតកដៃឆៅដូចខាងក្រោម ៖

សូមបញ្ជាក់ថា មានការភ្ញាក់ផ្អើលឡើង និងគួរឲ្យរន្ធត់យ៉ាងខ្លាំង បន្ទាប់ពីប្រជាពលរដ្ឋបានប្រទះឃើញសពស្ត្រីវ័យក្មេងម្នាក់ ត្រូវជនមិនស្គាល់អត្តសញ្ញាណកាប់សម្លាប់ទាំងអាក្រាតកាយ ហើយញាត់ចូលក្នុងធុងទឹកកកពណ៌ទឹកក្រូច យកមកផ្លុងទម្លាក់ចោល ថែមចាក់សោជាប់ផងដែរ។

ហេតុការ​ណ៍ភ្ញាក់ផ្អើលនេះ កើតឡើងនៅរសៀលថ្ងៃទី១៦ មីនា ឆ្នាំ២០១៨នេះ នៅចំណុចជិតគល់ស្ពានព្រែកតាម៉ាក់ ស្រុកខ្សាច់កណ្តាល ខេត្តកណ្តាល។

ក្រោយមកសពស្រ្តីរងគ្រោះ ត្រូវបានសមត្ថកិច្ច ឲ្យដឹងថា ឈ្មោះ យឿន ធានី អាយុ២៩ឆ្នាំ មាន​ស្រុកកំណើត នៅភូមិក្រូចសើច ឃុំហាន់ជ័យ ស្រុកកំពង់សៀម ខេត្តកំពង់ចាម  ហើយ​បច្ចុប្បន្នសព ត្រូវបានគ្រួសារយកទៅធ្វើបុណ្យតាមប្រពៃណីនៅស្រុកកំណើតរួចរាល់ហើយ៕

@Amapapa.News

Feature Ads