Loading...

Tuesday, March 13, 2018

ស្ងាត់ៗ! ចង្វាក់​រាំ​វង់​​ត្រូវបាន​ឡាវ​​ស្នើ​ដាក់​ទៅ​ក្នុង​​បញ្ជី​សម្បត្តិ​​បេតិកភណ្ឌ​​ពិភពលោក

អាម៉ាប៉ាប៉ាញ៉ូស

កាល​ពី​ថ្ងៃ​ទី​៩​ ខែ​មីនា​ កន្លង​ទៅ​នេះ​ មាន​កិច្ច​ប្រជុំ​មួយ​ដឹក​នាំ​ដោយ​លោក​ Bouangern Xaphouvong ដែលជាអនុរដ្ឋមន្ដី្រ​ក្រសួង​ព័ត៌មាន​ វប្បធម៌​ និង​ទេសចរណ៍​ប្រទេសឡាវ បាន​អនុញ្ញាត​ឲ្យ​អ្នក​តំណាង​ពី​ផ្នែក​ពាក់ព័ន្ធនានា​ រៀប​ចំ​កិច្ចការ​ផ្សេងៗ​ក្នុង​ការ​ស្នើ​សុំ​ដាក់ចង្វាក់​រាំ​ដ៏​ល្បី​ឈ្មោះ​មួយ​របស់​ប្រទេស​ឡាវ គឺ​ចង្វាក់ ឡាំវង់ ដែល​កម្ពុជា និង​ថៃ​ហៅ​ថា រាំវង់ ឯ​ថៃ​ហៅ​ថា Ramwong ទៅ​ក្នុង​បញ្ជី​សម្បត្តិ​បេតិកភណ្ឌ​អរូបិយ​របស់​មនុស្ស​ជាតិ ក្នុង​បញ្ជី​អង្គការ UNESCO។

ហើយមិន​ត្រឹម​តែ​ចង្វាក់«​ឡាំវង់​» នេះ​ទេ ឡាវ​នៅ​មាន​បំណង​ស្នើ​ដាក់​បញ្ចូល​ប្រពៃណី​វប្បធម៌​មួយ​ចំនួន​ផ្សេងទៀត​ផងដែរដូច​ជា ចូល​ឆ្នាំ​ឡាវ, ប្រពៃណី almsgiving, បុណ្យ Baci, និង​ពិធី​បុណ្យ Kong Khao ជា​ដើម។

សូមជម្រាបជូនផងដែរថា កាល​ពី​ប៉ុន្មាន​ខែ​កន្លង​ទៅ​នេះ UNESCO ទើប​តែ​ទទួល​ស្គាល់​ ឧបករណ៍​ភ្លេង​ "ខ្លុយ​ខេន" ជា​ផ្នែក​មួយ​នៃ​សម្បត្តិ​វប្បធម៌​ប្រចាំ​ប្រទេស​ឡាវ៕

ក្រោយព័ត៌មាននេះ ត្រូវបានចុះផ្សាយ ខាង ឯកឧត្ដម ថៃ នៈសត្យា ដែល​ជា​អ្នក​នាំ​ពាក្យ​ក្រសួង​វប្បធម៌ និង​វិចិត្រ​សិល្បៈ បានថ្លែង​ប្រាប់​សារព័ត៌មាន​ក្នុង​ស្រុក​មួយ​ថា៖

កម្ពុជា​មិន​អាច​ប្រតិកម្ម​ជំទាស់​ឡាវ ដែល​ស្នើ​ដាក់​ចង្វាក់​រាំវង់ ជា​សម្បត្តិ​បេតិកភណ្ឌ​អរូបី​បាន​នោះ​ទេ ព្រោះ​ប្រទេស​គេ​មាន​សម្បត្តិ​វប្បធម៌​ស្រដៀង​ខ្មែរ។ ដូច​នេះ គេ​អាច​ស្នើ​ដាក់​បាន។

ឯក​ឧត្តម ក៍បានបញ្ជាក់​បន្ថែមទៀត​ថា ប្រទេស​ជិត​ខាង​គ្នា តែង​តែ​មាន​វប្បធម៌​ស្រដៀង​គ្នា ជា​អត្ត​សញ្ញាណ​របស់​គេ ហើយ​គេ​ស្នើ​ដាក់​ជា​រឿង​របស់​គេ ដោយ​ខាង​កម្ពុជា​មិន​អាច​ហួង​ហែង​បាន​ឡើយ។

@Amapapa.News

Feature Ads