Loading...

Friday, April 6, 2018

តើស្នេហ៍ពិត ស្ថិតលើចិត្តនឹងចិត្ត មិនមែនវណ្ណៈមាន ឬក្រនោះទេ មែនទេ?

អាម៉ាប៉ាប៉ាញ៉ូស

មានរឿងរ៉ាវស្នេហាជាច្រើនបានកើតឡើងជាបន្តបន្ទាប់ ដោយអ្នកខ្លះ សមចិត្តប្រាថ្នា អ្នកខ្លះមិនសមបំណង អ្នកខ្លះស្នេហាខុសធម្មជាតិ ប្រុសស្រលាញ់ប្រុស ស្រីស្រលាញ់ស្រី អ្នកខ្លះជួបស្នេហាខុសវ័យជាដើម តែស្នេហ៍ពិតដែលអាចកាន់ដៃរួមគ្នាទៅបាន លុះត្រាតែភាគីទាំងពីរស្ម័គ្រចិត្ត ដាក់កាយ និងព្យាយាមប្រឹងប្រែងទាំងអស់គ្នាដើម្បីជំនះនូវឧបសគ្គទាំងឡាយ។

បើក្រឡេកមកមើលស្នេហ៍កំលោះក្រមុំមួយគូនេះវិញ បានសម្រេចចិត្តកាន់ដៃគ្នាចូលរោងការ បន្ទាប់ពីមានការស្រលាញ់ និងស្វែងយល់ចិត្តគ្នាអស់រយៈពេលប្រមាណជាង ២ឆ្នាំ ដែលមានចាស់ទុំទាំងសងខាងបានដឹងឮ និងពេញចិត្តគ្នាទៅវិញទៅមក។

បើតាមអ្នកជិតខាងបានប្រាប់ថា «គ្រួសារកូនកំលោះ និងកូនក្រមុំមានជីវភាពប្រហាក់ប្រហែលគ្នា ពោលគឺគ្មានអ្នកណាមានជាងអ្នកណាទេ»។

បើតាមយើងសង្កេតឃើញថា ការរៀបចំមង្គលការរបស់អ្នកទាំងពីរនេះ  គឺមិនមានលក្ខណៈធំដុំអ្វីនោះទេ ប៉ុន្តែមើលទៅគ្រួសារ​ទាំងសងហាក់មានក្តីអំណរ និងក្ដីសុខយ៉ាងខ្លាំង ព្រោះឃើញកូនប្រុស​ កូនស្រីចេះស្រលាញ់គ្នា។

យ៉ាងណាមិញក៍មានការសរសើរ និងជូនពរយ៉ាងច្រើនកុះករផងដែរ ពីសំណាក់អ្នកលេងហ្វេសប៊ុក ដោយអ្នកខ្លះលើកឡើងថា ផ្ទះវីឡា មានលុយ មានឡានជិះ ពេលខ្លះក៍មិនមានក្តីសុខស្មើអ្នករស់នៅក្នុងខ្ទមផង ព្រោះថា សុភមង្គលកើតពីការស្រលាញ់ និងយល់ចិត្តគ្នា អត់ឱនឲ្យគ្នាទៅវិញទៅមក មិនមែនកើតឡើងដោយសារលុយឡាន វីឡានោះទេ៕

@Amapapa.News

Feature Ads