កោះកុងៈ កម្លាំងអធិការដ្ឋានក្រុងខេមរភូមិន្ទ កាលពីរសៀលថ្ងៃទី៧ ខែមិថុនាម្សិលមិញនេះ បានចុះបង្ក្រាបករណីប្រើប្រាស់គ្រឿងញៀន នៅចំណុចភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង បានឃាត់ខ្លួនជនសង្ស័យប្រុសស្រី ចំនួន២នាក់ ។
សមត្ថកិច្ចក្រុងខេមរភូមិន្ទ បានឲ្យដឹងថា ជនសង្ស័យទាំង២នាក់ ទី១-ឈ្មោះ ម៉ូត យាក់កូប ភេទប្រុស អាយុ២២ឆ្នាំ មុខរបរ មិនពិតប្រាកដ និងទី២-ឈ្មោះ កែវ កាល់លិយ៉ា ភេទស្រី អាយុ២២ឆ្នាំ មុខរបរ មិនពិតប្រាកដ ទាំង២នាក់ ស្នាក់នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង ។ ចំពោះវត្ថុតាងដកហូតបានរួមមាន៖ ឧបករណ៍សម្រាប់ជក់ និងថង់វេចខ្ចប់គ្រឿងញៀនមួយចំនួន ។
បច្ចុប្បន្ន ជនសង្ស័យទាំង២នាក់ខាងលើ ត្រូវបានកម្លាំងជំនាញកំពុងសាកសួរ និងកសាងសំណុំរឿង ដើម្បីចាត់ការតាមនីតិវិធីច្បាប់៕
