Monday, June 11, 2018

លោក ផែង វណ្ណៈ និង ខណ្ឌ័ ចន្ទ័សុផល ឆ្លើយតបនឹងការព្រមានរបស់ សម្ដេច ហ៊ុន សែន

អាម៉ាប៉ាប៉ាញ៉ូស

 សម្ដេច ហ៊ុន សែន ប្រតិកម្មទៅនឹង លោក ផែង វណ្ណៈ និង ខណ្ឌ័ ចន្ទ័សុផល ទាក់ទងនឹងរឿងអាស្រូវ លោក ស្រិល វណ្ណា និង នាង លីតា រហូតឈានដល់ការព្រមានដកតំណែងទៀតផង។

ភ្លាមៗនោះដែរ លោក ផែង វណ្ណៈ បានចេញសារសុំទោសមួយថា ៖

ឪពុកស្ដីប្រដៅកូនជារឿងធម្មតា​

ខ្ញុំបាទសូមអភ័យទោសសម្ដេចតេជោ​ ហ៊ុន​ សែន​ ចំពោះកំហុសឆ្គងដោយអចេតនា​អំពីករណីលោក​ ស្រិល​ វណ្ណា​ និង​ ករណី​ផ្សារផល្លាររាត្រីអង្គរ​៥​ ខេត្ត​សៀមរាប​ ។​

ខ្ញុំបាទ​សូមគាំទ្រ​ និងទទួលយកទាំងស្រុងចំពោះមតិណែនាំដ៏ខ្ពង់ខ្ពស់សម្ដេចតេជោ​ ហ៊ុន​ សែន​ ដោយខ្ញុំបាទ​នឹងមិនបន្តការផ្សាយអំពីរឿងទាំង២នេះតទៅទៀត​ទេ​ ។

សូមគោរពជូនពរ​ សម្ដេចតេជោ​ ហ៊ុន​ សែន​ មានសុខភាពល្អ​ បរិបូរណ៍​ អាយុយឺនយូរ​ ដើម្បីបន្តដឹកនាំនាវាកម្ពុជារក្សាបានសុខសន្តិភាព​ និង​ ការអភិវឌ្ឍន៍​ ។​

សូមសម្ដេចតេជោ​ ហ៊ុន​ សែន​ មេត្តាទទួល​នូវការគោរពដ៏ខ្ពង់ខ្ពស់អំពីខ្ញុំបាទ​ ផែង​ វណ្ណៈ​ !

ចំណែកលោក ខណ្ឌ័ ចន្ទ័សុផល​​​​​​​ ក៍មិនខុសពីលោក ផែង  វណ្ណៈ ដែរ ដោយលើកឡើងថា ៖

ខ្ញុំបាទ ខណ្ឌ័ ចន្ទ័សុផល សូមគោរពនិងថ្លែងអំណរគុណដល់សម្តេចតេជោ ប្រមុខរាជរដ្ឋាភិបាល ក្នុងប្រសាសន៍ណែនាំដ៏ខ្ពង់ខ្ពស់សម្រាប់រូបខ្ញុំបាទ ក្នុងការងារ ប៉ះពាល់ក្នុងរឿងតម្លៃព្រះពុទ្ធសាសនា ។

ខ្ញុំបាទសូមសន្យាថា និង ឈប់ពីពេលនេះតទៅ ក្នុងការនិយាយអ្វីអោយប៉ះពាល់តម្លៃនៃព្រះពុទ្ធសាសនា របស់ជាតិយើងទៀតហើយ ។

ជាចុងបញ្ចប់ខ្ញុំបាទ សូមគោរពនិងជូនពរ ដល់សម្តេចតេជោ មានសុខភាពល្អ និងជ័យជំនះក្នុងការដឹកនាំ ។

@Amapapa.News

Feature Ads