ភ្នំពេញៈ រថយន្តសាំយ៉ុងមួយគ្រឿង បានក្រឡាប់ជាច្រើនត្រឡប់ធ្លាក់ចូលក្នុងប្រឡាយ សង្ស័យអ្នកបើកបរងងុយដេក។
គ្រោះថ្នាក់ចរាចរណ៍ខាងលើនេះ កើតឡើងកាលពីវេលាម៉ោង៨ព្រឹកថ្ងៃទី៧ ខែមិថុនា ឆ្នាំ២០១៨ ស្ថិតនៅតាមបណ្ដោយផ្លូវ៣០ម៉ែត្រ ក្នុងភូមិរោលទ្រូ សង្កាត់ព្រៃវែង ខណ្ឌដង្កោ រាជធានីភ្នំពេញ។
មុនពេលកើតហេតុ គេឃើញរថយន្តសាំយ៉ុងខាងលើ ពាក់ស្លាកលេខភ្នំពេញ ២L-៦៧២១ មានដឹកផ្លៃម្នាស់ពេញ បើកចេញពីម្តុំផ្សារបុរីសន្តិភាព២ ដោយធ្វើដំណើរពីលិចទៅកើត លុះមកដល់ចំណុចខាងលើ ក៏ស្រាប់តែរថយន្តបានក្រឡាប់ជាច្រើនត្រឡប់ក៏ធ្លាក់ចូលក្នុងប្រឡាយ ភ្លាមៗនោះអ្នកបើកបរបានចេញពីក្នុងរថយន្ត តែសំណាងល្អមិនមានគ្រោះថ្នាក់ដល់អាយុជីវិតនោះទេ។
ក្រោយកើតហេតុម្ចាស់រថយន្តហៅរថយន្តស្ទួចមកស្ទួចរថយន្តចេញពីក្នុងប្រឡាយ ដាក់លើមាត់ប្រឡាយ រើយកផ្លែម្នាស់ចេញ ដើម្បីយករថយន្តទៅជួសជុលខ្លួនឯង៕