រហូតមកដល់ថ្ងៃទី ១៩ មិថុនា ឆ្នាំ ២០១៨នេះ យើងសង្កេតឃើញមានគណបក្សនយោបាយចំនួន៤ ប៉ុណ្ណោះ ក្នុងចំណោមគណបក្សទាំង២០ ដែលបានគោរពវិញ្ញណក្ខន្ធ អ្នកម្នាង អ៊ុក ផល្លា នៃសម្តេចក្រុមព្រះ នរោត្តម រណឬទ្ធិ ព្រះប្រធានឧត្តមក្រុមប្រឹក្សាផ្ទាល់ព្រះមហាក្សត្រ ដែលបានតម្កល់ប្រារព្ធធ្វើបុណ្យតាមប្រពៃណីជាតិខ្មែរ នាវត្តបទុមវតីរាជវរារាម រាជធានីភ្នំពេញ។
សូមជម្រាបជូនថា សពអ្នកម្នាង អ៊ុក ផល្លា នឹងបូជា នៅថ្ងៃទី២០ ខែមិថុនា ស្អែកនេះ នៅខាងមុខវត្តបទុវត្តី។
ប្រសិនបើមានអ្វីខ្វះខាតក្រុមការងារសូមអធ្យាស្រ័យ និងរីករាយក្នុងការកែប្រែជូន!
សូមបញ្ជាក់ថា អ្នកម្នាង អ៊ុក ផល្លា ភរិយានៃសម្តេចក្រុមព្រះ នរោត្តម រណឫទ្ធិ បានទទួលមរណភាពនៅវេលាថ្ងៃត្រង់ ថ្ងៃអាទិត្យ ទី១៧ ខែមិថុនា ឆ្នាំ២០១៨ ក្រោយឧប្បទ្ទវហេតុគ្រោះថ្នាក់ចរាចរណ៍ នៅក្នុងស្រុកព្រៃនប់ ខេត្តព្រះសីហនុ។
សម្ដេចក្រុមព្រះ នរោត្តម រណឫទ្ធិ និងអ្នកម្នាង អ៊ុក ផល្លា បានជួបឧប្បទ្ទវហេតុគ្រោះថ្នាក់ចរាចរណ៍ នៅលើកំណាត់ផ្លូវជាតិលេខ៤ ចន្លោះគីឡូម៉ែត្រ២០០-២០១ ស្ថិតនៅក្នុងភូមិអូរតាសេក ឃុំអូរឧកញ៉្ញាហេង ស្រុកព្រៃនប់ ខេត្តព្រះសីហនុ នាវេលាម៉ោង៨៖៥០នាទីព្រឹក ថ្ងៃអាទិត្យ ៥កើត ខែបឋមាសាធ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៧ ខែមិថុនា ឆ្នាំ២០១៨នេះ។