ព្រះសីហនុៈ បុរសជាប្រធានជាងក្រឡឹងម្នាក់ បានស្លាប់យ៉ាងរន្ធត់បំផុត ខណៈសាកសពដាច់ជាបំណែកៗ និងមនុស្ស៧នាក់ទៀត រងរបួសធ្ងន់ស្រាល ក្រោយពីមានហេតុការណ៍ផ្ទុះធុងហ្គាស់នៅរោងក្រឡឹង ស្ថិតក្នុងសាលាបច្ចេកទេសឌូនបូស្កូ ក្រុម១៨ ភូមិ៥ សង្កាត់៤ ក្រុងព្រះសីហនុ កាលពីម៉ោង១៖៣០នាទីរសៀលថ្ងៃទី៧ ខែមិថុនា ឆ្នាំ២០១៨នេះ។
សេចក្តីរាយការណ៍ បានឲ្យដឹងថា ជនរងគ្រោះដែលស្លាប់នៅកន្លែងកើតហេតុ ឈ្មោះ សេង សារ៉ាត់ ភេទប្រុស អាយុ៣៥ឆ្នាំ មុខរបរប្រធានផ្នែកជាងក្រឡឹង (សាកសពសាច់ជាបំណែកៗ មិនទាន់ឃើញអស់)និងមនុស្ស៧នាក់ទៀត រងរបួសធ្ងន់ស្រាល ត្រូវដឹកតាមរថយន្តទៅសង្គ្រោះនៅមន្ទីរពេទ្យភ្លាមៗ ។