ភ្នំពេញៈ មានមនុស្សជាច្រើនបានដឹងថា អ្នកគ្រូ ហ៊ីម ណាវី ជាជនជាតិខ្មែរឥស្លាម បានទស្សន៍ទាយល្បីឆុតតែម្តង ដោយទទួលធ្វើស្នេហ៍មុខ ប្រោះព្រំទឹកអប់ប្រេងម្ស៉ៅដាក់តាមខ្លួន និងកន្លែងធ្វើការរកស៊ីឲ្យគេស្រឡាញ់ពេញចិត្ត និងរីកចម្រើនការងារ។ អ្នកគ្រូក្រៅពីចេះក្បួនទស្សន៍ទាញជោគវាសនា ក៏បានចំណាយពេលជាច្រើនឆ្នាំមើលថែក្មេងកុមារកំព្រា បើទោះជាលំបាកបែបណា ក៏អ្នកគ្រូសុខចិត្តចិញ្ចឹមឲ្យមានអនាគតដែរ ។
អ្នកគ្រូទស្សន៍ទាញល្បីឈ្មោះ ប្រចាំតំបន់ភូមិគីឡូម៉ែតលេខ៩ កំពុងតែធ្វើឲ្យមានការចាប់អារម្មណ៍ ដោយសារតែក្បួនមើលរបស់អ្នកគ្រូ ត្រូវបានគេអះអាងថាឆុតណាស់ ទើបធ្វើឲ្យអតិថិជិនមានទាំងក្នុងនិងក្រៅស្រុក និយាយបន្តពីមាត់មួយទៅមាត់មួយ ប្រាប់ទៅអ្នកផ្សេងៗ ឲ្យមកមើលបន្តកន្ទុយគ្នា។ អ្វីដែលជាការកត់សម្គាល់អ្នកគ្រូ រូបនេះ បានស្ម័គ្រជួយចិញ្ចឹមក្មេងក្រីក្រ និងកុមារកំព្រាឲ្យទទួលបានការរៀនសូត្រចេះដឹង គួរឲ្យស្ងើចសរសើរផងដែរ ។ លើសពីនេះ មានតារាសម្តែងមួយចំនួន អ្នកធំ លោកឧកញ៉ា ជាច្រើន ក៏បានមកពឹងពាក់អ្នកគ្រូ «ជួយដាស់ឲ្យជោគជ័យការងារ» ហើយអ្នកគ្រូអះអាងថា មានតារាល្បីមួយចំនួន ក៏ឲ្យអ្នកគ្រូជួយធ្វើការបញ្ចុះស្នេហ៍ឲ្យមានអ្នកស្រឡាញ់ចូលចិត្ត ដើម្បីបានការងារច្រើនៗមកបំពេញផងដែរ ។
អ្នកគ្រូ ហ៊ីម ណាវី ជាជនជាតិខ្មែរ-ឥស្លាម បានចាប់យកអាជីពជាគ្រូទាយ អស់រយៈពេលជាច្រើនឆ្នាំ តាំងពីសម័យឆ្នាំ១៩៨០ ឬហៅថា សម័យទាយដូរអង្ករមកម្លេះ។ អ្នកគ្រូមិនត្រឹមតែមើលទស្សន៍ទាញនោះទេ ក្រៅពីចិញ្ចឹមក្មេងបានពីរបីដំណរមកហើយ ដោយខ្លះអ្នកគ្រូជួយឲ្យបានរៀបការទាំងប្រុស ទាំងស្រីមានកូនចៅទៀត។ លើសពីនេះអ្នកជិតខាងទីទ័លក្រ ចាស់ជរា ក៏អ្នកគ្រូជួយផ្តល់ជាថវិកា និងសម្ភារៈជាប្រចាំរហូតអ្នកនៅក្នុងភូមិគោរពស្រឡាញ់ ។
ស្ថិតក្នុងឈុតសំលៀកបំពាក់បែបប្រពៃណីខ្មែរ-ឥស្លាម និងរស់នៅក្នុងបន្ទប់តូចមួយរំលេចដោយចានដាក់ទឹកអប់ក្រែម ម្ស៉ៅ ពេញណែនរបស់ភ្ញៀវ ដែលសបញ្ជាក់ឲ្យឃើញអំពីការគាំទ្រនោះ អ្នកគ្រូ ណាវី បានឲ្យដឹងថា ក្រៅពីទស្សន៍ទាយរាល់ថ្ងៃជាប្រចាំ អ្នកគ្រូរមែងព្យាបាលជំងឺមួយចំនួនផងដែរ ហើយអ្នកគ្រូក៏ទស្សន៍ទាយមើលតាមរយៈសន្លឹកបៀដូចជាមើលរាសី បញ្ចុះស្នេហ៍ឲ្យមានអ្នកស្រឡាញ់ចូលចិត្ត ។ បងប្អូនអាចរកបាននៅអាស័យដ្ឋានផ្លូវជាតិលេខ៥ ទល់មុខមណ្ឌលសុខភាពគីឡូម៉ែត្រលេខ៩ រាជធានីភ្នំពេញ៕
