Saturday, July 28, 2018

សិស្សវិទ្យាល័យ​ ហ៊ុនសែន បរិបូណ៌ យកម៉ោង​សិក្សា ទៅជាម៉ោងកាប់ចាក់គ្នា

ពិសី

កំពង់ឆ្នាំងៈ សិស្សរៀន​នៅវិទ្យាល័យ​ ហ៊ុនសែន បរិបូណ៌ ស្ថិតនៅក្នុងឃុំខុនរ៉ង ស្រុក បរិបូណ៌ ខេត្តកំពង់ឆ្នាំង ល្បីខ្លាំងណាស់ ខាង​វាយតប់គ្នា ក្នុងមួយខែៗជាច្រើនករណី។

ជាក់ស្ដែង នៅម៉ោង៩ព្រឹកថ្ងៃទី២៧ ខែកក្កដាឆ្នាំ២០១៨ សិស្ស និងសិស្ស នៅក្នុងវិទ្យាល័យ ហ៊ុនសែន បរិបូណ៌នេះ បាន​ផ្ទុះអំពើហិង្សា វាយគ្នាពេញសាលា ខណៈដែល​លោកនាយក ឈ្មោះ លីវ ប៊ុនកា (ហៅយុទ្ធ) និងលោកគ្រូ អ្នកគ្រូ នៅវិទ្យាល័យនេះ មិនដឹងទៅណាបាត់អស់  ទើប​បណ្ដែតបណ្ដោយឲ្យ​កូនសិស្សវាយ​គ្នាតាមអំពើចិត្ត ដូចហែកកេរ្តិ៍វិទ្យាល័យខ្លួនឯង​។

ទន្ទឹមនឹងមានហេតុការណ៍ខាងលើនេះ អាណាព្យាបាលសិស្សានុសិស្សក្នុងស្រុកបរិបូណ៌ទាំងអស់ បាន​សំណូមពរទៅដល់លោកប្រធានមន្ទីអប់រំខេត្តកំពង់ឆ្នាំង ទើបតែឡើងថ្មី មេត្តាចុះអធិការកិច្ចផង ព្រោះវិទ្យាល័យ ហ៊ុនសែន បរិបូណ៌ មានរឿងអំពើពុករលួយច្រើន ហើយ​ជួយអន្ត​រាគមន៍​ ករណីរឿងសិស្ស និងសិស្សវាយ​គ្នានេះផង បើ​មិនមានវិធានការទេ ធ្វើ​អោយខូចដល់សិក្សានុសិស្សល្អៗ និងបាត់បង់សណ្ដាប់ធ្នាប់ វិន័យក្នុងសាលារៀន​អស់ហើយ៕

@Amapapa.News

Feature Ads